Popular Bible Verses from याकुब 1

Share

मिंडै भाईयो, जेख्णी तुहां पन बड़ी सारी मुसीबती यैई, तेख्णी ऐस बड़ी खुशिरी गल समझै। केईनी कि तुहां पता कि जेख्णी तुवाड़ा विश्वास परखियुंता जां तुवे साबित कातै कि तुवे ऐम्हियां बि परमेश्वरा पन विश्वास कातै, ता तुहां धीरज सिंउ मुसीबती सहन करि लींणी।

पण तुहां मझियां कोसक्यै बुद्धिरी कमि आ ता सै परमेश्वरा सिंउ प्रार्थना करिया, सै तेसनी मेईंणी, केईनी कि परमेश्वर गलती तकांणै बगैर खुलै दिलै सिंउ सभनियांनि दींता।

प्यारे विश्वासी भाईयो, ऐ गल तुवे जांणि ल्या कि हर-अक मैहणु परमेश्वरेरै सच्चै वचन शुणना मझ दिलचस्पी लुहानें वा जां बोलणा मझ जां गुस्सा कांना मझ धीमा भुईया।

पण हर-एकि मुसीबती मझ धीरज रखणा शिख्रा कि तुवे आत्मिक तौर पन मजबूत जां भरपूर भौ गहिया जां तुहां मझ कोस बि बधिया गलेरी कमि ना रिय्हा।

पण सिर्फ परमेश्वरैरा वचन शुणि करि अपड़ै आपानि धोखा मेईं देया, बल्कि तुहां सैहै कांनु चेहिंथु जै सै बोलता

धन्य आ सै मैहणु जै परीक्षायरै टैंमा अटल रींहथा, केईनी कि जेख्णी सै ईमानदार साबित भौ गांहथा, ता तेसनी अक ईनाम मेईंणा, जै अनन्त जीवनैरा सै मुकुट आ, जेठणीरा वायदा परमेश्वरै तैन्हांं सारा मैहणुवां सेईतै क्यौरा, जै परमेश्वरा सिंउ प्रेम कातै।

केईनी कि हर अक अच्छा जां उत्तम वरदान असेड़ै पिता परमेश्वरेरी तरफ सिंउ मेईंतै, जेनि असमांणेरै सूरज, चाँद जां तारै बंणाय। परमेश्वर हमेशा अक जेतिया आ जां सै छँउठै सैयि बदलता ना।

केईनी कि जै कोई वचन शुणनार भुईया, पण तेसैरा पालन कांनार ना भुईया ता सै तैस मैहणु सैयि आ जै अपड़ु मुँह शिशै मझ तकांता। सै अपांणा तका करि चलि गांहथा, जां छुईं भुलि गांहथा कि सै केतिया थ्या।

असेड़ै पिता परमेश्वरेरै सांमणै सच्ची जां शुद्ध भक्ति सैहै आ जै अनाथा जां विधवाईया केरी तेन्हैरै दुखा मझ मजत करिया जां ऐपु अपड़ै आपानि कोई संसारिक कलंक ना लगणा दितौरा भुईया।

जेख्णी कोस-केरी परीक्षा भुईया, ता सै ऐ ना बोलिया कि परमेश्वर मिंडी परीक्षा काता; केईनी कि परमेश्वर कदि बि गलत कंम कांनेरा लालच ना दींता, जां ना सै ऐपु कोसक्यै परीक्षाय मझ सुटता। पण परीक्षा तेख्णी भूंती, जेख्णी अक मैहणु ऐपुवै पाप कांनेरी ईच्छा रखता, जां ऐ तेतियु आ, जिहीं एकि जानवरा फसांणेरै तेईनी तेसनी लालच दींतै।

सैक्या विश्वासी जै गरीब आ तैस खुश भूंणु चेहिंथु, कि परमेश्वरै तेसैरा आदर क्यौरा।