Popular Bible Verses from इब्रानियों 8

Share

मूं तैन्हांं केरै पाप माफ कांने, जां तैन्हांं केरै पाप फिरी याद ना कांने।”

फिरी प्रभु बोलता, कि जै वायदा मूं ऐईंणै बाई धियाड़िया मझ इस्राएलेरा मैहणुवां सिंउ कांना, सै ऐ आ, कि मूं तैन्हांंनि अपड़ि व्यवस्थायरै बारै मझ सौचणा दींणु जां तैन्हां सै व्यवस्था अपड़ा मंना मझ रखणी, जां मूं सै तैन्हांं केरै दिला मझ लिखि दींणी, जां तैन्हांं परमेश्वरेरै रूपा मझ मिंडी अराधना कांनी।

जां हरेक अपड़ा दैश वासियानि जां रिश्तैदारानि ऐ शिक्षा ना दींणी, कि तु प्रभु परियांण; केईनी कि हल्का मैहणुवां किना लै-करि बडा मैहणुवां तेईनी तैन्हांं सभनियां मनि लींणु, कि आंउ तैन्हांं केरा परमेश्वर आ।

पण परमेश्वर मैहणुवां पन दोष ला करि बोलता। “प्रभु बोलता, तका सैकेई धियाड़ी ऐईंती अत्ति, कि मूं इस्राएलेरा मैहणुवां सिंउ जां यहूदेरा मैहणुवां सिंउ अक नवाँ वायदा कांना।

अबै जै गलै असै बोलतै अत्तै, तैन्हांं मझां सभनियांं किना बडी गल ऐ आ, असु किनि सच-मझ ऐतिया महायाजक आ, जै स्वर्गा मझ महामहिम परमेश्वरेरै सिंघासना किनि देहिणै पासै बेठौरा।