Popular Bible Verses from इब्रानियों 2

Share

केईनी कि यीशुरी परीक्षा लेई जां तेनि ऐपु दुख भौगोरा। ऐठणीरै तेईनी अबै सै तैन्हांं मैहणुवां केरी मजत करि सकता, जै परीक्षाय मझ प्यौरै अत्तै।

केईनी कि परमेश्वरेरै बच्चै मैहणु अत्तै, मतलब मास जां खूनै ला बंणोरै जां पुत्र बि अक मैहणु बंणी ग्या। केईनी कि सिर्फ अक मैहणु बंणी करि सैक्या मरि सकींथ्या जां सिर्फ मरि-यै करि सैक्या शैतानेरी शक्ति हारा सकींथ्या, जैस किनि मोउतिरी शक्ति थी।

ऐठणीरै तेईनी जरूरी आ कि जै असुनि शिख्राउरू थियु, तेसैरा असै ध्यान सिंउ पालन कातै रिय्हा। तां असै सच्चाई किना ना भटकणै।

ऐनि कारणै यीशुरै तेईनी ऐ जरूरी थियु कि हर गलै मझ अपड़ै भाईया सैयि बंणी गहिया; ताकि सैक्या परमेश्वरेरै सांमणै दयालु जां विश्वासेरै काबिल महायाजक बंणी सकिया। फिरी सैक्या ऐतिया बलिदान चाढ़ी सकींथ्या, जेनि ला मैहणुवां केरै पाप दूर भौ गांहथै।

पण असै यीशु मसीह तकांतै! सैक्या किछ टैंमेरै तेईनी स्वर्गदूता किना घट खास करि दित्थिया, ताकि परमेश्वरेरै अनुग्रह ला सैक्या सभनियां केरै तेईनी मरि गहिया। केईनी कि तेनी दुख सहन केया जां मरि ग्या। परमेश्वरै तेसनी महिमा जां आदर दित्ता।