Popular Bible Verses from इब्रानियों 12

Share

असेड़ै आस-पास ऐतियै मैहणु अत्तै, जैन्हां केरा जीवन तका करि असु पता लगता, कि विश्वासैरा कितु मतलब आ। ऐठणीरै तेईनी ऐईछा असै हर-अक रूकावट जां पाप दूर करि-करि तैस बत्तै पन, जैस पन आघै असु चलणु आ, तेस पन चलतै। असुवां यीशु धेरै तकांतै रींहणु चेहिंथु, जै असुवां विश्वासा मझ आघै बधियांणता जां असैड़ा विश्वास पूरा काता। तेनी लज्जैरी कोई चिंता ना की जां क्रूसैरा दुख सेहन करि ल्या जां मरि ग्या; केईनी कि सै जांणीथ्या कि बाद मझ तेसनी खुशी भूंणी कि तेनी ऐहीं कियु। अबै सै परमेश्वरेरै सिंघासनेरै देहिणै पासै बेठौरा।

जैस टैंमा झिड़खै मेईंती, तैस टैंमा झिड़खै अच्छी ना लगती, पण बुरी लगती। पण बाद मझ असु ऐत किना समझ ऐईंती, तेख्णी असुनि तसल्ली मेईंती; केईनी कि तेख्णी असै सही तरीकै ला जींणु शुरू करि दींतै।

सभनियां सिंउ मिलि-जुलि करि बेशा जां अक पवित्र जीवन जींणैरी कोशिश करा, जेनि बगैर कोई बि प्रभु ना तका सकता।

यीशुरै उदाहरणेरै बारै मझ सौचा, कि तैन्हैं पापियै तेसनी क्यौता दुख दित्ता, जै तैस सिंउ नफरत करींथ्यै, तेनी ऐठणीरै तेईनी दुख सहन केया, ताकि तुवे निराश भौ करि हिम्मत ना छडि दिया।

ऐहै वजह आ, कि जै राज्य असुनि मेऔरा, सैक्या हिलाई ना सकता। ऐठणीरै तेईनी असु परमेश्वरैरा धन्यवाद कातै रींहणु चेहिंथु, ताकि जेनि ला असै भक्ति, जां डरै सिंउ परमेश्वरेरी अराधना करि सकतै, जेनि ला सै खुश भूंता।

जै दुख तुवे सहन कातै अत्तै, तैन्हांं एकि पिताऐरी सजा समझि करि सहन करि ल्या; परमेश्वर तुहां पुत्र समझि करि तुहां सिंउ बर्ताव काता; सैक्या केणु त्या पुत्र आ जैसनि पिता झिड़खै ना दींता।?

केईनी कि जिहीं आग नाश काति, तिहियें असेड़ै परमेश्वरा बि अपड़ै दुशमणा केरा नाश कांना।

असैड़ा संसारिक पिता ता अपड़ि सौचिरै अनुसार जिहीं तैस अच्छु लगतु, असु थोड़े टैंमेरै तेईनी झिड़खांता; पण परमेश्वर असु असेड़ि भलाईरै तेईनी झिड़खांता, ताकि असै बि तैस सैयि पवित्र बंणी गहिया।

जेख्णी तुवे बुराईरी ताकतिरै खिलाफ लड़ाई कातै, ता तैन्हांं सिंउ तुवे ऐतिये ना लड़ै, कि तुवाड़ा खून भौ गिया।