Popular Bible Verses from 2 कुरिन्थियों 6

Share

अविश्वासिया सिंउ रेय्ही करि तैन्हांं केरै कंमा सैयि बुरै कंम मेईं करा; केईनी कि धर्म बाऐ जां अधर्म बाऐ कंम अक सैयि ना भौ सकतै; जां जेठि प्रगड़ु आ, तैठि अन्धारू ना भूंतु।

मूर्तिया केरी परमेश्वरेरै मंदरा, मतलब असेड़ै जीवना मझ कोई जगा ना। केईनी कि असै जींतै परमेश्वरैरा मंदर अत्तै; जिहीं परमेश्वरै पवित्र शास्त्रा मझ बोलोरू आ; कि, “मूं ऐन्हां मैहणुवां सिंउ रींहणु जां तैन्हांं सेईतै-सेईतै चलणु-फिरनु; जां आंउ तैन्हांं केरा परमेश्वर भूंणा, जां सैक्यै मिंडै मैहणु भूंणै।”

ऐठणीरै तेईनी प्रभु असुनि पवित्र शास्त्रा मझ बोलता, कि जै परमेश्वरा ना मनतै, तैन्हांं मझां निकोहि ऐईछा जां अलग बेशा; केईनी कि सैक्यै परमेश्वरा ना मनतै। जां आंउ तुवाड़ा पिता भूंणा, जां तुवे सभ मिंडै बच्चै भूंणै; ऐ सर्वशक्तिमान परमेश्वरैरा वचन आ।

जां मसीहरा कंम अलग आ, ता शैतानैरा कंम अलग अत्तै। तिहियें चारै विश्वासिया केरै कंम जां अविश्वासिया केरै कंम बि अलग-अलग अत्तै।