Popular Bible Verses from 2 कुरिन्थियों 5

Share

ऐठणीरै तेईनी अबै कोई मसीह पन विश्वास काता, ता तैस मझ अबै अक नवाँ स्वभाव आ; असैड़ा पुरांणा स्वभाव मुकि ग्या, अबै सैक्या सारा स्वभाव नवाँ भौ ग्या।

यीशु मसीह पापैरा पता-ऐ ना थ्या, परमेश्वरै असेड़ै पापा केरै तेईनी मसीह दोषी बंणा दित्ता, ताकि असै परमेश्वरेरी नजरी मझ धर्मी बंणी गहिया, केईनी कि यीशु मसीह असेड़ै पापा केरी सजा ऐपु पन लै लैई।

ऐम्हीं असै इस संसारा मझ रींहथै अत्तै, ता असै प्रभु पन विश्वास करि-करि तैस पिचोरै चलतै, ना कि तैस तका करि।

जां सारी गलै परमेश्वरेरी तरफ सिंउ अत्ति। परमेश्वरै मसीहरै जरियै ऐपु सिंउ असेड़ै बिच नवाँ रिश्ता बंणा दित्ता जां अबै मैहणुवां केरा रिश्ता परमेश्वरा सिंउ जौड़नेरै तेईनी असुनि ऐ सेवकाय दी दित्ती। परमेश्वर संसारेरै सभनियां मैहणुवां केरै तेईनी अक बत्त बंणाता थ्या; कि जै किछ बि यीशु मसीह कियु, तेनी ला परमेश्वरा सिंउ अक मिलन बंणी गहिया; जां मैहणुवां केरै पापा केरा दोष तैन्हांं पन ना लगिया जां परमेश्वरा सिंउ असैड़ा रिश्ता दुबारे बणांणेरै तेईनी ऐ यीशु मसीहरी खुशखबरी असुनि दी दित्ती।

ऐठणीरै तेईनी असै यीशु मसीहरै राजदूत अत्तै; जां ऐस खुशखबरी पन विश्वास कांनेरै तेईनी असै परमेश्वरेरी तरफ सिंउ मैहणुवां केरै छन्दै कातै, कि परमेश्वरा सिंउ रिश्ता बंणा।

जां ऐहीं चारै यीशु मसीह सभनियां केरै तेईनी मरि ग्या; ऐठणीरै तेईनी अबै जै जींतै अत्तै, सैक्यै अपड़ि खुशिरै तेईनी जींण ना जिआ; पण तैन्हांं तैस खुश कांनेरै तेईनी जींणु चेहिंथु, जै तैन्हांं सभनियां केरै तेईनी मरि ग्या जां परमेश्वरै सैक्या दुबारा जींता करि दित्ता। ऐठणीरै तेईनी अबै किना असै कोसेरा बि संसारिक नजरियै सिंउ न्याय ना कातै, जां अगर असै मसीह बि शरीरेरै अनुसार जांणीथ्यै, तां बि अबै किना सैक्या तेनी हिसाबै ना जांणना।

केईनी कि यीशु मसीहरा प्रेम असु चलांता; ऐ पक्की गल आ, कि अक मैहणु सभनियां मैहणुवां केरै तेईनी मरि ग्या, ता सभ मैहणु बि मरि ग्यै।