Popular Bible Verses from 1 तीमुथियुस 3

Share

ऐत मझ कोई शक ना कि असेड़ै विश्वासा मझ गहरा भेद आ; मसीह एकि मैहणुरै रूपा मझ प्रकट भौरा जां पवित्र आत्माय सै परमेश्वरैरा पुत्र साबित क्यौरा, स्वर्गदूतै सै लधौरा जां परमेश्वरै सै स्वर्गानि चुकि नियौरा। चैलै हर जगाय तेसेरै बारै मझ होरिया जातियानि खुशखबरी शुणाय जां संसारेरै मैहणुवें तैस पन विश्वास केया।

ऐठणीरै तेईनी ऐ जरूरी आ कि तैस मझ ऐ गुण भूंणै चेहिंथै कि सै निर्दोष भुईया, अपड़ि लाड़िरै प्रति वफादार भुईया, धीरै वा भूंणा चेहिंथा, अपांणा काबु मझ रखणार भुईया, आदर कांनेरै योग्य भुईया, मेहमाना केरा आदर कांनार भुईया जां परमेश्वरैरा वचन अच्छी तराहि सिंउ शिख्रांणार भुईया।

सै अपड़ै परिवारा ठीक ढ़गै सिंउ चलांणार भूंणा चेहिंथा, जां तैस अपड़ै बच्चानि शिख्रांणु चेहिंथु कि सै हर गलै मझ आदर सिंउ तेसेरी आज्ञायरा पालन करिया।

सेवक अपड़ि लाड़िरै प्रति वफादार भुईया जां अपड़ा बच्चा सेईतै-सेईतै अपड़ै घरानेरै होरनियां मैहणुवां केरा बि सही ढ़गै सिंउ देखभाल कांने वा भुईया। केईनी कि जै सेवकैरा कंम सही ढंगै सिंउ कातै, तेन्हैरा मैहणु आदर कातै जां सै यीशु मसीह मझ अपड़ै विश्वासेरै बारै मझ बड़ी हिम्मत सिंउ बोलि सकतै।