Popular Bible Verses from 1 पतरस 5

Share

तुवे परमेश्वरा किनि अपड़ि सारी परेशानि जां चिन्ताय शुणा, केईनी कि तैस असेड़ु चितैंण आ।

परमेश्वर जै पूरी तरह सिंउ अनुग्रह ला भरौरा, तेनियें परमेश्वरै असै यीशु मसीह मझ, तेसेरी अनन्त महिमा मझ शामिल भूंणेरै तेईनी शदाउरै अत्तै; परमेश्वरा तुवे थोड़े तियै टैंमेरै तेईनी दुख सहन कांना किना बाद पवित्र बंणा दींणै ताकि तुहां मझ कोई बुराई ना रिय्हा, ताकि तुवे अपड़ै विश्वास मझ मजबूत भौ-करि अडिक रैहि सकिया।

समझदार मैहणुवां सैयि सतर्क भौ-करि बियुझै बेशा; केईनी कि असैड़ा दुशमण शैतान, एकि गरजतै शैरा सैयि असु पन हमला कांनानि फाड़नानि जां खांणनी तियार भूंता बेठौरा, कि असै परमेश्वरेरी आज्ञा ना मनियां। तुहां अपड़ै विश्वासा मझ मजबूत भौ-करि ऐ सौचि करि तेसैरा मुकाबला कांना चेहिंथा; कि जै विश्वासी भाई इस संसारा मझ रींहथै अत्तै, शैतानेरी गल ना मनि करि ऐतियै दुख सहन कातै अत्तै, जेतियै दुख तुवे सहन कातै अत्तै।

ऐठणीरै तेईनी तुवे नम्र भौ-करि अपांणा शक्तिशाली परमेश्वरेरै हत्था मझ दी देया, ऐहीं कांने ला तुवे तैस स्वर्गा मझ आघै कांने।

ऐहियें चारै तुहां जुवान मैहणुवां बि वुजुर्गा केरी आज्ञायरा पालन कांना चेहिंथा। तुहां सभनियां प्यार सिंउ योकिया केरी मजत कांनी चेहिंथी; केईनी कि पवित्र शास्त्रा मझ लिखोरू आ कि “परमेश्वर घमण्डी मैहणुवां केरा विरोध काता, पण दीन मैहणुवां पन अनुग्रह काता।”