Popular Bible Verses from 1 कुरिन्थियों 14

Share

केईनी कि परमेश्वर गड़बड़ी वा ना पण शांति दींणै वा परमेश्वर आ, ऐ सैक्या नियम आ जै परमेश्वरैरा मैहणुवां केरी सभनियांं कलीसियै मझ पालन करियूंता।

योकिया सिंउ प्रेम कांनेरी हर टैंम कोशिश करा। जां ईमानदारी सिंउ आत्मिक वरदाना केरी बि ईच्छा करा, खास-कर भविष्यवाणी कांनेरै वरदानेरी।

पण जै भविष्यवाणी काता, सै विश्वासा मझ मजबूत भूंणेरै तेईनी मजत काता, जां तेन्हैरै दिलानि तसल्ली जां आराम दींता।

जै होरनियां भाषाईया मझ गलै काता, सै सिर्फ अपड़ै विश्वासा मजबूत काता, पण जै भविष्यवाणी काता, सै कलीसियेरा सारा विश्वासिया केरा विश्वास मजबूत काता।

ऐठणीरै तेईनी तुवे बि जेख्णी आत्मिक वरदांन मेईंणैरी ईच्छा रखतै, जै पवित्र आत्मा तुहांनि दींता, ता तैन्हांं वरदाना इस्तेमाल कांनेरै तेईनी ऐतेई कोशिश कातै रिय्हा कि तैन्हांं वरदाना केरी वजहि सिंउ कलीसियेरी मंडली पूरै तरीकै सिंउ विश्वासा मझ मजबूत भौ गहिया।