Popular Bible Verses from 1 कुरिन्थियों 12

Share

पण परमेश्वरै असु सभनियांंनि एकि दुवां विश्वासी भाई भींणिरी मजत कांनेरै तेईनी ऐतिया वरदान दितौरा, जै पवित्र आत्मायरी उपस्थिति प्रकट काता।

ऐनि तरीके तुवे सारै मिलिकरी मसीहरा शरीर अत्तै, जां तुहां मझां हर कोई तेसेरै शरीरेरै अंगा केरै समान अत्तै।

अगर शरीरैरा कौ अंग दुखा मझ भूंत ता तैस सेईतै शरीरेरै सारा अंगा दुख भूंता। अगर कोसक्यै एकि अंगैरा आदर कातै ता तैस सेईतै सारै अंग आनंद मनांतै।

परमेश्वरैरा आत्मा एकि मैहणुनी अक संदेश बोलणनी सामर्थ दींता जै बुद्धी ला भरौरा, जां सैहै आत्मा होरै मैहणुनी अक संदेश दींणेरी सामर्थ दींता जै ज्ञानै ला भरौरा। सैक्या एकि मैहणुनी मसीह मझ बड़ा ज्यादा विश्वास कांनेरी सामर्थ दींता; जां किछ होरनियां मैहणुवंनी बिमारा ठीक कांनेरी सामर्थ दींता। पवित्र आत्मा एकि मैहणुनी चमत्कार कांनेरी सामर्थ दींता। होरै मैहणुरै तेईनी, सै परमेश्वरा किना ऐईंणै बाऐ संदेश बोलणैरी सामर्थ दींता। ऐकिनि सैक्या ऐ शुणांणेरी सामर्थ दींता कि क्या ऐक्या संदेश हकीकत मझ परमेश्वरैरा आ कि ना। होरैनि सै तैन्हांं भाषाईया मझ संदेश बोलणनी सामर्थ दींता जै तैन्हैं नत्ती शिखरोरी। ऐकिनि, सै तैन्हांं संदेशा केरा मतलब शुणांणनी सामर्थ दींता।

पण ऐक्या सिर्फ परमेश्वरैरा ऐ आत्मा आ जै ऐन्हां सारा वरदाना दींणारा, जां ऐ सैहै पवित्र आत्मा आ जै हर ऐकिनि तेसेरै मुताबिक वरदान बंडता जै सै चांहथा।

परमेश्वरै ऐहीं ऐठणीरै तेईनी कियु ताकि शरीरेरै अंगा केरा योकिया मझ झगड़ा ना भुईया पण तैन्हांं योकिया केरी अक-सैयि देखभाल कांनी चेहिंथी।

पवित्र आत्मायरै द्वारा मेऔरै वरदान ता अलग-अलग अत्तै, पण पवित्र आत्मा अकै आ। अलग-अलग प्रकारेरै कंम अत्तै जै असै प्रभुरै तेईनी कातै पण असै सारै एकि ऐ प्रभुरी सेवा कातै। केही अलग-अलग तरीकै सिंउ परमेश्वर असेड़ै जीवना मझ कंम काता, पण परमेश्वर अकै आ, जै असु सभनियांं केरै जरियै कंम काता।

मसीहरै ऐस शरीरा मझ परमेश्वरै असुनि अलग-अलग कम कांननी अलग-अलग वरदान दितोरै अत्तै, पेहिलै सै मैहणु अत्तै जै तेसेरै खास चैलै अत्तै, फिरी भविष्यवक्ता अत्तै जै तेसैरी गलै बोलतै, त्रींऐ सै मैहणु अत्तै जै शिख्रांतै। तेठां बाद सैक्यै अत्तै जैन्हांनि तेनी चमत्कार कांनेरा अधिकार दितौरा थ्या। तेठां बाद सैक्यै अत्तै जैन्हांनि तेनी ठीक कांनेरा अधिकार दिता, फिरी जैन्हांनि होरनियां केरी मजत कांनेरा वरदान मैआ, जां प्रधान, जां अलग-अलग भाषा बोलणै बाऐ।

असेड़ै शरीरा मझ बि अकै अंग ना, पण बड़ै सारै अंग अत्तै।

पण शरीरेरै सैक्यै अंग जै होरनियां अंगा किना कमजौर समझियूंतै, सै बड़ै जादै जरूरी अत्तै।

अगर सारा शरीर टीर-ऐ भूंतु, ता सैक्या किहीं शुणि सकता? अगर सारा शरीर कंन-ऐ भूंता, ता सै किहीं सुंघि सकता? पण सचमुच परमेश्वरै असेड़ै शरीरेरै सारै अंग अपड़ि ईच्छाईरै अनुसार शरीरा मझ तेत्तेई जगाय बसाय जेठि भूंणै चेहिंथै थ्यै। अगर अकै अंग भुईया, ता कौ शरीर ना भूंणा।