Popular Bible Verses from 1 कुरिन्थियों 11

Share

ऐनि तरीकै, जेख्णी तैन्हैं खा लैई, यीशु अक दाख रसै ला भरौरा कटौरा लै अंणा जां बौलु, “ऐ कटौरा मिंडै खूनैरा नवाँ वायदा, जेख्णी बि पिया, ता मूं याद कांनेरै तेईनी ऐहीं करियां करा।” हर टैंमा जेख्णी तुवे ऐस रोटी खांतै, जां ऐस कटोरै मझां दाख रस पींतै, ता प्रभुरै ऐईंणा तेईनी तुवे तेसैरी मोउतिरी घोषणा कातै।

जै शिक्षा मीं तुहांनि दितोरी थी, ऐ सैहै शिक्षा आ जै मूंनी प्रभु किना मेऔरी थी; मतलब जैस राती प्रभु यीशु पकड़वाई ग्या, तेनी अपड़ै हत्था मझ अक रोटी लैई, फिरी परमेश्वरैरा धन्यवाद दी करि, तेनी रोटी भंन्नि जां बौलु, ऐ रोटी मिंडै शरीरा लुहाती, जै तुवाड़ै उद्धारेरै तेईनी बलिदान भूंणा। ऐसै खा जां मूं याद रखा।

ऐठणीरै तेईनी मैहणु पेहिलै अपड़ा व्यवहार जांणना किना बाद ऐस रोटी खईया जां ऐस कटोरै मझां दाख रस पिया। केईनी कि अगर तुवे ऐस रोटी खांतै या मसीहरै शरीरैरा आदर कांने बगैर कटोरै मझां दाख रस पींतै ता ऐहीं कांने ला तुवे ऐपु पन परमेश्वरेरी सजा लींतै।

ऐनि तरीकै जै मैहणु मसीहरा निरादर कातै सै प्रभुरी ऐस रोटी खांतै, या ऐस कटोरै मझां दाख रस पिया, ता सै प्रभुरै शरीरैरा जां खूनैरा अपराधी भूंणा।

तुवे मैहणु मूं पिचोरै चला जिहीं चारै आंउ मसीह पिचोरै चलता।