Popular Bible Verses from ROMAX 6

Share

Grawh grawng nawh ngawh riang phimap mawh krax yum, viang mawh nan totaix bwanson pa tawx Siyiex mawh ju leeing ju ka daux Simiang ex Yesux Khrit heue.

Grawh grawng nawh phimap tak ang pon kwang giex kaing piang pex, kheu ang pex ot ka greem lox lai beenli, viang mawh nan ot ka greem bwanson heue.

Mawh kheu nan hoik sipaung ex tau mai Nawh Cao kheu krax cubcom ka daux pa yum Nawh, awm hoik deeh kieh Cao Khrit kaoh im khaing krax yum kheu min sibrawm Keeing Cao, ex kawx sang pon ti hu ka daux ju pa khraox heue.

Viang kraung pakpeung tokaux pex kawx, paw tawx ti kieh mawh kraung naing pa ang rahsee, ka phimap, viang mawh nan tawx tokaux pex ka Siyiex, awm pui pa hoik kaoh im khaing krax yum mai kieh kraung pakpeung tokaux pex mawh kraung naing pa rahsee ka Siyiex heue.

kheu hoik tawng ex grawng pui prim ex hoik yum tau mai Nawh Cao piang khaox lhak, sonsang yieh sibrawm tokaux phimap laux, son ang ex sang baox mawh siliex ka phimap.

Awm an viang pex kawx, sawn tokaux pex mawh pa hoik yum ka phimap, viang mawh nan pa hoik im ka Siyiex ka daux Yesux Khrit heue.

Phan mawh nan ex sang ah ka mawx? Ex kawn ca sang ot ka daux phimap, sonsang kieh nie lheu ting bwanson lie? Ang doh mawh nan. Ex pa hoik yum ka phimap, ex kawn baox chix im ka daux phimap yuh ka mawx?

Ang pex tawng grawh grawng, pex sang tawx tokaux tix, ti mawh siliex mai cu nghiet ka pa yuh ka mawx ang ah, pex mawh siliex ka pa cu nghiet pex kah lie? Viang mawh ka phimap tom hoek krax yum ang ah, phan ang mawh nan ka krax cu nghiet tom hoek krax rahsee ang ah heue.

Viang mawh nan yaogyaw bwanson Siyiex, mawh kheu viang pex hoik sax mawh siliex phimap kawx, pa hoik viex khawm rhawm tix cu nghiet ka been sidiex gau pa hoik rieb pex ti teei. Mawh kheu hoik kieh pex luan khaing phimap, pex hoik lih mawh siliex ka pa rahsee heue.