Popular Bible Verses from LOX KAB 17

Share

Paox grawm chix moh paox tix jheung jheung, puxaik keh sonsang teem ka paox tix yam yaox krax kha rhawm heue.

Rhawm rhi pa chix gaux rhawm, chix kieh nyawm ot heue. Khwan pa chix laux rhawm, Kieh si-ang chix ceh rham heue.

Pui pie kheem ka phimap, pa lud ka pui tang kaux, mawh pui pa sawg ka krax moh krax rhawm heue. Viang mawh nan, pui pa mie ti deeh krai pa lud pui tang kaux, mawh pui pa kieh paox grawm gwieh paox tix heue.

Pui pa grum naog krax keud ang chix haoh lox mai pui pa koe pingnya krax tawng yung, chix deuh rhawm tix nhim yiien mhawm heue.

Pui caox kawx, phan chix ot nhim mhawm mhawm, pui ce kix mawh pa koe pingnya krax tawng yung heue. Pui pa ang vaoh jheeh tix sikah kawx, pui tang kaux ce mawh pa koe pingnya krax tawng yung heue.

Ih ex blah tix gum ka daux pa khaw caw, nie lheu mhawm khaing ih priex tan, pa naog ka daux nyiex ma pa simah ka paox tix heue.

Yam jah krax simah awm pa doh guh rawm nhawng, sivoe ang nyang koe krax simah, nied via hu khaing aw aw.

Pui pa ploi phimap ka pui pa ang rahsee mai pui pa ciyang phimap ka pui pa rahsee, Siyiex seeing ka kiex khawm ra heue.