Popular Bible Verses from MATHIEX 6

Share

Pex sawg meung Siyiex mai pa rahsee Nawh phao ka ha mai Nawh tak baox tawx ceu in khawmuik ka pex heue.

Mawh kheu nan, paw khi son pa sax, kheu pa sax tak khi son tix heue. Ceu pa ang mhawm son in ngaix, hoik kub son in ngaix heue.”

“Mawh kheu nan Aux krai ka pex, paw vi khi ka grawng pa sang ih nyaux patix son ju tix mai sang ceep patix son tokaux tix. Ju kienie, nieh lheu mhawm khaing pa ih ang mawh lie? Tokaux lheu mhawm khaing kraung ceep ang mawh lie?

Viang mawh nan, yam rawg pex bwan laig ka daux lawg plak daux mai khaix hoik nyeep pex siviex, rawg bwan ka Keeing pex pa ot dee glip mai Keeing pex pa chix yaox dee glip tak tawx bwanson ka pex heue.

Mawh kheu nan pex rawg bwan yuh nin, Keeing ex pa ot piang meung raoma Kieh ceu kaux Maix koe krax yung krax yi heue. Kieh meung Maix hoek heue. Awm naog alo Maix piang meung raoma, Ka piang haktiex in kawx kieh awm an heue.

Tawx pa ih pa lo ex son singaix liak.

pluat ploi phimap ex liak, awm pluat ploi ex pui pa lud ka ex heue.

Mai paw vieh ex hoek ka daux krax nyaw krax glaw, viang mawh nan taoh ex khaing kaw pa caox liak. Grawh grawng nawh, meung raoma mai siawb sibrawm mai min plakngai, mawh cie Maix leeing ju heue. Amen.

Phan pex pluat phimap pui tang kaux, Keeing pex piang meung raoma kawx tak pluat phimap pex heue.

Jhak ka sim pa po piang raoma khankix heue, kix ang rhuat ang van simie mai kix ang vawg, ang khrawm daux krao, viang mawh nan, Keeing pex piang raoma tawx kix ih heue. Pex nie lheu ngawh khaing sim khankix ang mawh lie?

“Paw vi khrawm sin ngao son pex piang haktiex, dee pung piang siah mai dee chix rhaw chix laux mai dee chix yieh pui mai laig briex heue. Viang mawh nan khrawm sinngao son pex ka daux meung raoma, dee ang mawt chix siah mai dee ang rhaw chix yuh laux mai dee ang pui briex chix yieh, mai laig briex heue. Kheu koe sin ngao maix dee mawx, rhawm maix kawx koe tan heue.”

“Pui tix kaux kawx ang chix yuh pui cau son simiang ra kaux, mawh kheu nawh tak koeng ka tix kaux mai moh tang kaux an, phan ang mawh nan, nawh tak een rhawm ka tix kaux mai nieb yuh ka tang kaux an heue. Pex ang chix mawh pa cau soi ka Siyiex mai ka sinngao heue.”

Pex pa iak krax yum rhawm eue, phan Siyiex tawx kraung ceep pa mhawm ka rib pa koe daux tiag daux singaix mai pa tak sang taing sau daux ngu pasax, Nawh sang nie lheu tawx kraung ceep ka pex ang mawh lie?

Viang mawh nan, yam tawx pex pa tan, paw kieh taix khawn gwiex pex tawng pa yuh taix khawn dawm pex. Kheu sonsang yuh pa tan tix dee glip mai Keeing maix pa chix yaox dee glip, tak tawx bwanson ka maix heue.”

“Rien rhawm tix son ang pex lai yuh pa rahsee sivoe ngai pui, sonsang yaox kix ka pex, phan ang yuh nan pex tak ang pon bwanson khaing Keeing pex pa ot ka daux meung raoma heue.

“Lheu khaing in, yam twah pex pa ih, paw kieh voi pakngai awm pui pie lhen khankix, mawh kheu kix yuh pakngai kix ang nyawm ti jhak, sonsang kieh pui yaox kix twah priex tix heue. Aux krai lox tete ka pex, kix hoik pon bwanson cie kix heue. Viang mawh nan, yam twah pex priex pa ih kraix rawm bee ka kaing tix mai khoek ngai pex heue. Mawh son ang pui yaox pa twah pex priex, viang mawh nan sonsang yaox Keeing pex pa ot dee glip mai Keeing pex pa chix yaox dee glip tak tawx bwanson ka pex heue.”