Popular Bible Verses from MATHIEX 5

Share

Pui pa tok kawk ngu ang sax sau greem phliex, viang mawh nan, deuh piang pheen, sonsang jhan riang son pui pa ot daux nyiex khawmuik. Awm an kieh pa riang pex jhan riang sivoe ngai kawn pui heue, sonsang yaox kix kaing pa yuh pex pa mhawm mai yaogyaw Keeing pex pa ot daux Meung Raoma.”

Pex mawh pa riang haktiex heue, veng pa hoik yuh piang gawng ang pon ti mox.

Pui pa singax daux rhawm khankix koe bwanson heue, kheu kix tak yaox Siyiex.

Pui pa cai rhawm son pa rahsee khankix koe bwanson heue, kheu kix tak sak.

Aux krai ka pex, moh ka pui pa koeng ka pex mai rawg bwan, son pui pa tuktiak ka pex heue.

“Pui pa hot daux khuan khankix koe bwanson heue, kheu Meung Raoma mawh cie kix.

Pui pa chix kieh raw pa simah simiang ka paox tix kieh yiien khankix, koe bwanson heue, kheu tak kok kix mawh kawn Siyiex.

Pui pa khi rhawm khankix koe bwanson heue, kheu kix tak pon pa nyawm rhawm.

Pui pa hoik kham geu pa tuktiak son pa rahsee koe bwanson heue, kheu Meung Raoma mawh cie kix.

Pui pa chix caux rhawm khankix koe bwanson heue, kheu kix tak pon ceu pa caux rhawm.

Yam pui yuh pa ang khaw jiet ka pex mai tuktiak ka pex mai ah pa caox pa ang mawh meh kuceu grawh grawng pex, kheu Aux, pex koe bwanson heue. Kieh kied gaux rhawm heue, kheu bwanson kied ting son pex ka daux Meung Raoma, kheu hoik tuktiak kix yuh nan, ka cao jhai khankix pa koe glangka pex.”

Pui pa awn rhawm khankix koe bwanson heue, kheu kix tak pon haktiex.

“Pex mawh kih haktiex heue, viang mawh nan phan pa laoh kih hoik grai, kienie, chix deeh kieh laoh yuh ka mawx? Lheu khaing tik plak praix mai pui dig greem caong tix ang koe bwanson tidtix.

Mawh kheu nan pex tak grum mhawm, awm grum mhawm Keeing pex piang raoma heue.”

Kieh lox pex pa mawh, mawh heue, pa ang mawh, ang mawh heue, pa lheu khaing an mawh pa lih khaing pa caox heue. Paw pawk bix.

Pex hoik mhong lox pa hoik deuh ah nin, Ngai tix mu son ngai tix mu mai rhang tix plah son rhang tix plah Aux krai ka pex, paw kieh raw ka pui caox heue. Pui mawx ang ah phan simang sibax pex khawn dawm, deeh veeh ka nawh khawm tang plak.

Phan ngai khawn dawm maix, kieh maix lud, koh ti tik khaing maix heue. Laux kraung pak peung maix tix ceu nie lheu mhawm khaing laig maix daux mawnarhok khawm kaux tix heue. Phan taix khawn dawm maix kieh maix lud, kid ti tik heue. Laux kraung pak peung maix tix ceu nie lheu mhawm khaing laig maix daux mawnarhok khawm kaux tix heue.”