Popular Bible Verses from HEBRIE 12

Share

Mawh kheu yaox ex grawng koe cub pui ex pa kham mhai rug nie ding nie dod pa rob ka ex, kieh ex tik ka kraung pa cien ku ceu khawmuik mai ka phimap pa yie vung vhien kah mai kieh viex rhawm gun yeung mai to, ka ceu pa lah paox tix to pa hoik deuh ka sivoe ex, jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

Can ceu pa sivied ti gau khawmuik, yam in, ang lai ce mawh pa gaux rhawm, ce mawh pa tug pa kha heue. Bawg khaix ceu pa sivied ti gau chix kieh kix pa yaox ti kham kah, pon plix pa nhim, pa mawh plix pa rahsee heue.

Nied ti coca sonsang koe krax nhim tau mai pui khawmuik mai ceu pa singax phan pui ang koe, tak ang pon ti yaox ka Simiang tix kaux kawx heue.

Mawh kheu nan son ang pex sang laux sang khrup rhawm, keud ka grawh grawng Kaw pa hoik kham geu ceu pa kieh pa raw khaing daux tawm taix pui phimap ka tokaux Nawh awx.

Mawh kheu hoik pon ex meung pa ang chix kieh yung yiang kah, kieh ex koe bwanson, sonsang chix ex ti yuh kaing krub pa khaw caw ka rhawm Siyiex, ka krax pa chix yung yi heue.

Ceu pa yaox pex ti kham geu khankix mawh sonsang sivied ti gau ka pex. Siyiex yuh ka pex awm yuh ka kawn tix heue. Grawh grawng nawh, koe kawn kaux pui mawx, pa ang keeing nawh sivied ti gau kah?

Grawh grawng nawh Siyiex ex mawh ngu pa gleeing heue.

Grawh grawng nawh kix hoik sivied ti gau ka ex glang been singaix ceeix ceeix awm pa ce kix mhawm heue. Nawh Cao sivied ti gau ka ex sonsang koe bwanson sonsang mawh ex pa neuex ti pon ka ceu pa singax Nawh Cao heue.

Pa lah pex paox tix ka phimap, pex ang nyang bax cheu ti yuh tom sidah lih nham