Popular Bible Verses from YAM JAH 50

Share

Viang pex keud mawh yuh ti pa caox ka aux kawx, viang mawh nan, Siyiex hoik kieh mawh ceu pa mhawm, sonsang taoh ju pui tom nie awm pa hoik yaox pex daux in singaix heue.

Yosiep deeh ah nin ka kix, “Paw khi rhawm ka, khex keud pex aux mawh Siyiex lie?

Mawh kheu nan paw koe krax khi rhawm, aux tak eei liang pex mai kawn praix pex ku kaux heue.” Nawh krai lox nyawm rhawm ka kix mai lox pa caux rhawm ka kix heue.

hu krai ka Yosiep ah nin, aux rawg maix pluat ploi ka krax lud pa yuh puxke maix khankix mai phimap kix, mawh kheu hoik yuh kix pa caox caig ka maix heue. Yam in rawg maix pluat ploi pa lud kawncau maix khankix, ka daux min plakngai Siyiex keeing maix heue.” Yam mhong Yosiep ka lox krai kix nawh yiiem ka heue.

Yosiep ah nin ka pux aik nawh khankix, “Aux dex sang yum, viang mawh nan, Siyiex tak hoek ti kia ngien ka pex mai deeh viex pex lih khaing haktiex in mai tawx pex hu ka haktiex pa hoik tiextu Nawh Cao ka Abraham, Icak mai Yakop heue.”

Khaix an Yosiep kieh kawn praix Isarelax khankix, tiextu ti ah nin, “Siyiex tak hoek ti kia ngien ka pex mai pex tak viex si-ang aux hu khaing tin heue.”

Yosiep yum yam hoek ju nawh tix yieh kao num mai kix khre sau sidah bhawng ka nawh mai sau ka daux lawng meung Ejiptux heue.