Popular Bible Verses from YAM JAH 49

Share

Pliah tak ang lai tang tiah khaing Yudax, khaox gix pa kwang ang gah ti khaing sinax caong nawh, tom sidah sang hoek Shilaw mai kawn pui khawmuik tak cu nghiet ka nawh heue.

Yosiep mawh kak khaox pa nie plix, plix hawt rawm keut, mai kak khankix jao luan ka guh veng heue. Pui naing ak, yuh krax kin mai hawt puing ka nawh, kix puing mai koeng ka nawh

viang mawh nan ak nawh kawn koe riang mai plawng taix nawh cong sijung, riang rao tawm taix pa ting sibrawm Siyiex pa koe daux Yakop, pa mawh cao liang yung, rang ting ceu pui Isarelax heue. Pa mawh Siyiex keeing maix, tak teem maix, Cao pa ting sibrawm tak nawb bwan ka maix tau mai bwanson pa kaoh khaing daux raoma long, bwanson pa raux mox pa koe plak greem, bwanson pa pon khaing teeh mai pa kaoh khaing daux vaig heue.

Yudax eue, puxaik maix khankix tak yaogyaw maix, taix maix tak jhawp ka ngawg pui pa koeng ka maix khankix, puxaik maix khankix kawx, tak hoek ti krub ka maix heue.” Yudax mawh kawn sivai sangsi mhaing, kawn simex aux eue maix kaoh khaing dee sawg ti ih kug mai gup tix awm sivai sangsi miex, mawh pui mawx pa sang pon hu so ka maix lie?

“Rubin eue, maix mawh kawn Ai aux mai mawh riang aux, plix liang aux ti pon yam ting riang tix mai mawh min plakngai pa lheu mhawm mai mawh sibrawm pa lheu mhawm, awm rawm pa ang chix ot tix dah mai phrit tix lih maix tak ang yaox ti mawh pui pa kaux cong, mawh kheu haok maix ka dee it keeing tix maix hoik kieh ku it keeing tix seeing heue.”