Popular Bible Verses from YAM JAH 37

Share

Yosiep camaox mai nawh krai puxke tix khankix mhong mai kix nie baox koeng ka nawh heue.

Yam in Isarelax kied moh ka Yosiep khaing kawn nawh khankix, kheu mawh nawh kawn simex pa pon nawh yam kuad riex ju tix mai caing nawh ceep kraung sibex pa mhawm grang pa shiang ka rawm rawn kuceu heue.

Viang mawh nan, yam yaox puxke nawh khankix ka kied moh keeing kix ka Yosiep khaing kix mai kix koeng ka nawh mai kix ang lai rhawm sikah ka nawh heue.

Khaix an nawh baox deeh camaox tix ceu mai nawh krai ka puxke tix khankix, nawh ah nin, “Jhak heue, aux hoik baox deeh camaox grawng tang ceu, singaix, khix mai simuing kao tix mu krub ka aux heue.”

Puxke nawh khankix boh rhawm ka nawh, viang mawh nan, keeing nawh een tix tawng grawng in daux rhawm tix heue.

Nawh ah nin ka kix, “Yuh bwanson nghiet ka grawng pa hoik camaox aux liak, jhak heue, yam vien ex lhiem nghox ka daux kaung, lhiem nghox cie aux, yaog ti cung see see mai lhiem nghox cie pex khankix kaoh cung hawt vung viang an mai krub ka lhiem nghox cie aux heue.”

Ex!, ex pah nawh yum yam in mai tik nawh ka daux o tixdah dah, ex tak sang ah nin, mawh totiag tix ceuceu hoik kiied nawh, ex pau ti jhak grawng camaox nawh sang lih ti mawh yuh ka mawx.”

Khaix an ceu pui Midian pa yuh lai geu khankix, pha ka dee ot kix tan, mawh kheu nan puxke nawh khankix bluh Yosiep lih khaing daux o mai coh nawh ka ceu pui Ishamelax ka mau tixnga Shekhe mai kix viex Yosiep hu ka meung Ejiptux heue.

Kix ah nin ka paox tix, “Jhak heue, cao camaox hoik hoek phao.

Yam yaox kix hoek nawh dee singai mai sivoe ang nawh nyang bax hoek dex kix, kix kum paox tix sonsang pah kix nawh heue.

Rubin ah nin ka kix, “Paw kieh nham jauh, ploi nawh ka daux o pa koe daux tiag, paw doh kieh taix pex krox ka nawh, ” Rubin keud ti sang taoh nawh khaing daux tawm taix kix mai deeh viex nawh ing ka keeing tix heue.