Popular Bible Verses from EFESUX 5

Share

Mawh kheu nan kieh pex hawt jawh ti yuh pa yuh Siyiex, awm kawn praix pa moh khankix, hu ka daux pa moh rhawm, awm Cao Khrit kawx hoik moh ka pex mai hoik tawx tokaux tix son ex, ti mawh pa tan ka Siyiex, sonsang mawh bhawng pa sioe baux heue.

Mawh kheu nan rien rhawm tix ka grawng pa hu pex, paw kieh awm pa ang koe pingnya, viang mawh nan kieh awm pa koe pingnya, mai taoh ka bawg yam, mawh kheu singaix in khankix mawh pa caox heue.

Paw kieh yoek ka plai rawm plix siiet, pa nieb chix kieh luan yuh cuci, viang mawh nan kieh naog ka Khuan Cao, sikah ka paox tix, tix kaux lai tix kaux ka daux lox yaogyaw mai lox rhax lai, lox rhax bwan mai yuh lox pa mhawm rhawm pex ka Simiang Siyiex, mai yaog yaw son ku ceu khawmuik ka keeing Siyiex jheung jheung, ka daux ceu kaux Simiang ex Yesux Khrit heue.

Mawh kheu nan paw vi mawh pa daox aw, viang mawh nan kieh mawh pa chix tawng grawng alo Simiang mawh pa yuh ka mawx heue.

Mex khankix eue, moh ka moeng tix, awm moh Cao Khrit ka ceu cao, tawx tokaux tix son ceu cao

Pex hoik mawh pa faik tix bawg, yam in pex hoik mawh pa riang ka daux Simiang, kheu nan hu awm kawn pa riang heue.

Pex tix kaux lai tix kaux ot greem paox tix ka daux ceu pa lhat ka Cao Khrit heue.

Moeng khankix eue, kieh koe krax cu nghiet ka mex tix, awm koe ka Simiang Siyiex awx.

Pex kaux pui mawx kaux pui an tak lai moh ka moeng tix awm moh ka tokaux tix, kieh pa mawh moeng yung yi ka mex tix heue.

“Mawh kheu grawng in simex tak prah miex keeing tix mai ot tau mai moeng tix, kiex ra kaux tak mawh nex nham tix mu khaing heue.”

paw lai yuh paox pie ka kaing pa faik pa ang koe bwanson khankix, viang mawh nan ne raw ka kix khaing pa yuh nan.