Popular Bible Verses from SIDIEX 8

Share

Mawh kheu nan aux yaogyaw ka krax pa gaux rhawm heue. Grawh grawng nawh kawn pui ang lai koe ceu pa nie lheu mhawm ka greem singaix khaing ceu pa ih pa nyaux mai krax pa gaux rhawm heue. Grawh grawng nawh mai kaing jhaw pa sau nawh riang rao ti yuh daux baux singaix im ju tix, nawh tak pon bwanson pa tawx Siyiex greem singaix heue.

Viang pui koe map yuh pa caox tix yieh bawg mai viang nawh lang ju kawx, viang mawh nan aux tawng ka pui pa lhat graung ka Siyiex mai pa lhat graung ka plak sivoe Nawh Cao mawh pa pon bwanson tete heue.

Grawh grawng nawh son grawng kuceu koe bawg yam mai pa prawng ca, viang mawh pa kied kha rhawm kawx koe tom nie piang nawh heue.

Ang koe pui tix kaux kawx pa koe sibrawm ti giex ka khwan mai phan ang mawh nan ang koe sibrawm ka daux singaix yum heue. Ang koe daux krax pa sang glawd ka daux naing an mai pa caox caig tak ang pon taoh ka pui khankix khaing pa caox caig an heue.

Grawh grawng nawh mawh kheu ang khran ciyang piang kaing pa caox caig an khankix phaiphai, rhawm kawn pui khankix hoik naog ka ceu pa sang simie ti yuh ka pa caox heue.

Koe pa giex going tix ceu pa lih ti mawh piang haktiex awm lih ceu an ti mawh piang kaing yuh pui rahsee khankix, piang pui caox kawx awm an, awm lih ceu an ti mawh piang ju pui caox khankix piang pui rahsee kawx awm an heue. Aux hoik ah in mawh pa giex going heue.

Grawh grawng nawh, nawh ang tawng ka ceu pa tak sang lih ti mawh, mawh kheu nan, mawh pui mawx pa pon krai, pa tak sang lih ti mawh an lie?