Popular Bible Verses from SIDIEX 7

Share

Paw phai dawd rhawm tom lih koe krax pa song rhawm, grawh grawng nawh, krax pa song rhawm ot piang dieb rhawm pui vao pui caox khankix heue.

Ka daux singaix pa haok hwan gaux rhawm kah, ka daux singaix koe pa kha rhawm, keud ti yaox sonsang tawng kawn pui ka pa tak sang bleeh tix koe khaix nawh, Siyiex hoik lailoh ti tawx ceu pa mi mai ceu pa hot ka kawn pui heue.

Dee sidah sidu an mawh pa nie lheu mhawm, khaing dee jah tix koe mai pa koe rhawm gun rhawm yeung, mawh pa nie lheu mhawm khaing pa lhaong rhawm heue.

Mawh kheu ang kawn pui piang haktiex rahsee, pa yuh ceu pa mhawm mai pa ang koe phimap, ang koe tix kaux kawx heue.

Grawh grawng nawh pingnya cuyi chix tiebtie, awm an mau kawx mawh pa chix tiebtie heue. Krax tawng yung mawh pa kied mhawm mai tawx ju ka pui hoik koe pingnya heue.

Min ceu kaux pa mhawm mawh pa nie lheu mhawm khaing rawm bee sioe bhawng mai singaix yum mawh pa nie lheu mhawm khaing singaix keh heue.

Pa nghiet lox sidiex gau pui pa koe pingnya cuyi, mawh pa nie lheu mhawm khaing nghiet ka lox lai rhax pui pa vao pa caox khankix heue.

Hu ka daux nyiex yum nie lheu mhawm khaing hu ka daux nyiex pa khan kheu priex, grawh grawng nawh an mawh dee sidah sidu hoek pui khankix khawmuik mai can pui pa im ju khankix, tak pon sau tix priex an ka daux rhawm tix heue.

Rhawm pa koe pingnya cuyi koe ka daux nyiex pa yum, viang mawh nan, rhawm pui pa vao pa caox khankix, koe ka daux nyiex pa gaux rhawm heue.