Popular Bible Verses from SIDIEX 5

Share

Yuh satix mai priex jheeh tix mai paw kieh rhawm maix luan phai sikah tix ceu kawx ka plak sivoe Siyiex. Mawh kheu Siyiex ot ka daux meung raoma mai maix ot piang haktiex heue. Mawh kheu nan paw kieh lox maix haoh heue.

Awm hoik tawx Siyiex krax magmi mai krax koe kraung khrai sinngao son pui ku kaux mai hoik tawx sibrawm ka nawh sonsang ih khaing an mai rieb mawh nyum cie tix mai koe krax gaux rhawm ka daux riang rao kaing jhaw yuh nawh, in mawh bwanson totaix pa tawx Siyiex heue.

Pui pa moh ka mau, tak ang chix koe krax fah rhawm tau mai mau mai pui pa moh ka sinngao, tak ang chix koe krax fah rhawm tau mai krax pa haok hwan sinngao tix heue. In kawx mawh pa giex going heue.

Yuh satix ka diang caong hu tix khankix, yam hu maix ka nyiex bwan Siyiex, pa greed tix dex sonsang nghiet ka lox Siyiex, lheu mhawm khaing sonsang tawx pui vao pui caox krax tan pa appong tix khankix heue. Grawh grawng nawh kix ang tawng ka yuh tix pa caox heue.

Yam yuh maix sijax mukheu ka Siyiex, paw lai greed bawg yam sang yuh tix an, mawh kheu Nawh Cao ang khaw rhawm ka daux pa yuh pa vao pa caox heue. Tawx awm ceu pa hoik yuh maix sijax mukheu heue.

Phan ang yuh sijax mukheu nie mhawm khaing yuh maix sijax mukheu mai ang tie hawt ti yuh heue.

Pui pa yuh kaing, jiet nyawm laig it, viang nawh ih ceeix ang ah ih tom nie ang ah, viang mawh nan pui pa kied mag kied mi, krax magmi an, ang chix kieh nawh nyawm it heue.

Awm lih hoek kakaong nawh khaing daux vaig miex tix nawh tak deeh ing awm an mai nawh ang pon teei ti viex tix ceu kawx khaing riang rao pa hoik yuh nawh ka taix tix heue.