Popular Bible Verses from SIDIEX 4

Share

Pui ra kaux mawh pa nie lheu mhawm khaing pui tix kaux, grawh grawng nawh kiex hoik pon bwanson ceu pa mhawm khaing daux kaing jhaw riang rao yuh tix heue. Grawh grawng nawh phan tix kaux goh, an tix kaux tak deeh yaog nawh kaoh heue. Viang mawh nan krax laux rhawm hoek piang pui goh an nong nong, mawh kheu ang pui pa sang yaog nawh koe heue.

Viang pui tix kaux hoik pex ka sibrawm pui tang kaux kawx, pui an ra kaux tak pon tiebtie nawh heue. Maox brawm loe nyaing ang pon dud yie heue.

Khaix an phan pui ra kaux noi tix it tau, kiex tak sang si u, viang mawh nan phan mawh pui tix kaux khaing tak sang si u yuh ka mawx lie?

Krax yiien yawg pa koe tix jhawp an, mawh pa nie lheu mhawm khaing taix pa naog khawm ra jhawp, tau mai pa taug mao mai pa ih ka bhaung khaing heue.

Khaix an aux hoik yaox pui pa sau riang rao ti yuh kaing mai pa min ka kaing kuceu, mawh pa kieh paox plawg paox nyhawm tix khankix khoi rhawm ka jao an heue. In kawx mawh pa giex going mai pa ih ka bhaung khaing heue.

Kawn nyawm pui hot pa awn ju pa koe pingnya cuyi an tix kaux, nie lheu mhawm khaing simiang riex ju pa koe rhawm kwa rhawm vao an tix kaux pa ang lai pon sidiex gau ka nawh tix bawg kawx heue.