Popular Bible Verses from 2 KAWRINTHUX 6

Share

Paw rom tix sau iak tau mai pui pa ang yum rhawm khankix, grawh grawng nawh ceu pa rahsee chix yuh paox pie ka pa lheu lox been yuh ka mawx? Phan ang mawh nan pa riang chix yuh paox pie ka pa faik yuh ka mawx?

Nyiex bwan Siyiex mai riang grang chix khaw paox tix yuh ka mawx? Grawh grawng nawh ex mawh nyiex bwan Siyiex pa im ju, awm pa khaw mai pa hoik ah Siyiex yuh nin, “Aux tak ot ka daux kix mai hu ka daux kix mai Aux tak mawh Siyiex kix mai kix tak mawh pui cie Aux heue.”

Mawh kheu nan, Simiang baox ah nin, “Pex lih hoek khaing ka daux kix mai tang tiah tix awx. Paw vi teeh ka ceu pa ang singax mai Aux tak rieb ti teei ka pex heue. Aux tak mawh Keeing ka pex mai pex tak mawh kawn simex kawn bun ka Aux, Simiang pa ting Pa Koe Sibrawm Piang Khawmuik ah nan heue.”

Cao Khrit mai Belialax chix khaw ka paox tix yuh ka mawx? Phan ang mawh nan pui pa yum rhawm mai pui pa ang yum rhawm chix dex mai paox tix yuh ka mawx?