Popular Bible Verses from 2 KAWRINTHUX 5

Share

Phan pui tix kaux kaux ot ka daux Cao Khrit, nawh mawh ceu pa khraox heue. Ceu pa prim khankix hoik grai hoik grup hu mai jhak heue, ceu an kix hoik lih mawh pa khraox heue.

Siyiex hoik kieh Kaw pa ang tawng phimap, mawh phimap ka son ex, son sang lih mawh ex pa rahsee Siyiex ka daux Nawh heue.

Grawh grawng nawh ex hu kheu krax yum rhawm mai ang mawh kheu pa chix yaox heue.

Ku ceu khawmuik hoik mawh kheu Siyiex, Kaw pa hoik kieh ex deeh khaw caw paox tix ka tokaux Nawh, kheu Cao Khrit mai hoik tawx ex kaing pa sidiex grawng ceu pa deeh khaw caw paox tix an ka ex heue. Pa mawh grawng pa hoik ot Siyiex ka daux Cao Khrit, ti kieh pui haktiex deeh khaw caw paox tix ka tokaux Nawh Cao mai pa ang Nawh sawn ti deuh phimap kix ka kix mai grawng pa hoik tawx hoik pong gumlox bwan grawng deeh khaw caw paox tix an ka ex heue.

Mawh kheu nan ex tom mawh pui pa yuh tang, ka son Cao Khrit heue. Mawh awm hoik teei Siyiex ti kieh ex jeeh nyaw ka pex heue. Ex khyox khaw ka pex tang Cao Khrit, son sang kieh pex deeh khaw caw paox tix ka Siyiex heue.

Nawh Cao hoik yum son khawmuik, kix pa im tak ang lai baox im ka tokaux tix tiru, son sang im ka Nawh Cao pa hoik yum son kix mai pa hoik deeh kaoh im heue. Jah tom yam in, ex ang lai tawng ka pui tix kaux kawx hawt nex nham, viang ex hoik tawng ka Cao Khrit hawt nex nham kawx, yam in ex ang lai baox tawng ka Nawh Cao yuh nan heue.

Grawh grawng nawh krax moh Cao Khrit pex ka ex, mawh kheu hoik deuh rhawm ex grawng phan tix Kaux hoik yum ka son pui khawmuik, pui khawmuik kawx hoik yum kheu an