Popular Bible Verses from 1 PETRUX 2

Share

Viang mawh nan pex mawh ceu pui pa hoik laug, pa mawh cao giex kaing li Siyiex, pa mawh ceu pui pa singax singeh, pa mawh pui Siyiex tete, sonsang jhi pex grawh grawng ceu pa ting lhaong, pa mhawm, Kaw pa hoik kok pex lih khaing daux pa faik mai laig ka daux pa riang pa daox deng cie tix heue.

Kaw pa hoik kham geu phimap ex piang khaox, ka daux tokaux tix, sonsang mawh ex pa hoik yum ka phimap mai deeh im ka pa rahsee heue. Kheu khaix rhoi Nawh, pex hoik pon ti deeh moi heue. Grawh grawng nawh, glang ka in pex lud krax hu awm yung, viang mawh nan yam in pex hoik deeh hoek ka Cao liang pex, pa mawh Cao giex kaing ju pex heue.

Ka daux bawg yam pa hoik luan, pex ang mawh ceu pui pa yuh nan, viang mawh nan yam in pex hoik mawh ceu pui Siyiex heue. Glang ka in viang pex ang pon bwanson pa caux rhawm kawx, yam in pex hoik pon bwanson pa caux rhawm heue.

Awm kawn ngie pa tak khraox keh khankix, simie ka rawm teeih gumlox bwan pa singax singeh, sonsang haok hwan pex tom pon krax taoh.

Pa moh aux khankix eue, aux khyox khaw ka pex pa awm nyo sinie, son ang sang yuh ceu pa dex dawd mai alo nex nham khankix, pa yuh krax naing ka ju heue. Kieh pa yuh pex mawh pa nyawm ti jhak ka sinax pui tang ceu khankix, yuh ka mawx viang kix ah lox deuh phimap ka piang pex awm mawh pex pui pa yuh pa caox kawx, kix tak sang yaox kaing pa yuh pex pa mhawm mai yaogyaw Siyiex ka daux singaix pa kia pa prawng heue.

Pex kawx awm simaox pa im pa sum ti yuh nyiex pa dex dawd mai khuan, sonsang mawh cub cao giex kaing li pa singax singeh, pa sang tan, ceu pa tan pa dex dawd mai khuan, pa khaw caw ka Siyiex ka daux Yesux Khrit heue.

Mawh kheu nan tik ka pa caox khawmuik mai pa kheem pa veux mai pie kheem khawmuik mai pa boh rhawm mai pa sikah lox caox khawmuik

Mawh kheu nan hoek ka Nawh, pa mawh Simaox pa im ju, pa hoik tik kawn pui ka tete, viang mawh nan pa hoik laug Siyiex mai een ti mawh pa ting min pakngai heue.

Kieh mawh pui ploi, viang mawh nan paw vi teei ceu pa ploi pex, yuh mawh dee du dee jhan, sonsang mawh sibex pa tawb ceu pa caox pa yuh tix, viang mawh nan kieh awm siliex Siyiex heue.

Pex tak lai pon kieh lox pui daox pa ang chix tawng khankix yiien glaik tix kheu ceu pa yuh tix pa mhawm grawh grawng nawh Siyiex koe alo yuh nan heue.