Popular Bible Verses from 1 PETRUX 1

Share

Kieh Siyiex mai Keeing Simiang ex Yesux Khrit ting bwanson, pa hoik kieh ex deeh keh awm pa khaw mai krax caux rhawm Nawh pa kied ting, ti koe krax keud pot jun pot pa im, ka daux krax pa deeh kaoh im Yesux Khrit khaing krax yum, sonsang pon sin pa ang chix laux leeing mai pa ang seeing, pa ang chix bheet laix, pa hoik priex son pex ka daux meung raoma

Pex kied koe krax gaux rhawm ka daux an, viang mawh yam in son bawg yam tix vud ngie, phan pex tak lai yaox krax khi kawx, ka daux krax cheuk cheu tom nie ceu, sonsang cheu ti yaox krax yum rhawm pex, pa lheu mhawm lheu ngawh khaing khri, pa chix laux leeing, viang hoik cheu ti yaox ka ngu kawx, yuh ka mawx tak yaox pa mawh ceu pa yaogyaw mai min pakngai mai pa nab yam, yam lih bleeh Yesux Khrit heue.

Viang mawh nan, awm singax singeh Kaw pa hoik kok pex, kieh tokaux pex singax singeh yuh nan ka daux can pa yuh tix khawmuik heue. Mawh kheu hoik tiiem ti deuh ah nin, “Kieh tokaux pex singax singeh, kheu singax singeh Aux heue.”

Kieh awm kawn praix pa chix nghiet chix cu lox mai paw yuh tokaux tix yaung awm alo nex nham, ceu pa sax yuh pex glang ka, yam ang pex lai tawng.

Mawh kheu nan nhawt maox rawd nyoi rhawm pex mai priex rhawm tix, keud pot jun pot tom sidah, son bwanson pa tak sang viex hoek ka pex, yam lih bleeh Yesux Khrit heue.

Grawh grawng nawh, ceu kawn pui khawmuik awm num rib num riem mai min pakngai kawn pui awm tai rib tai riem heue. Rib kienie, chix kroh chix fit hu mai tai nawh chix khrom hu, viang mawh nan gumlox Siyiex tak kaux leeing ju heue.” in mawh gumlox gaux rhawm pa hoik sidiex gau ka pex heue.