Popular Bible Verses from Apocalipsis 9

Share

Xwiri i winaq, ni'pa i xekamsax ti kumal i utz taj le, xkijalwachij ti kik'aslemal. Xkimayij ti u'anik pacha i to' kinojim ike. Xkimayij ti ukojik ki'ij i utz ti laj taq itzel tew, xaq i kitiox chi xaril je antalik. I kitiox le, je antal che i an-o'oj, che i saq-o'oj, che i anch'ich', xaq che i ab'aj, xaq che i che'; ile ketzun taj, ketan taj, keb'in taj. I winaq xaq xkimayij ti ukamsaxik kib' chkiwach; xaq xkimayij ti ukojik i itz, xaq xkimayij ti u'anik i ch'am taj ru' kich'akul, xaq xkimayij ti ela'.

I sib' le, xe'el uk'iyal sak' che, kerupup chwach i jyub' ta'aj. I sak' le, yatal chke kech'opinik pacha kki'an i sinaj re uwach i jyub' ta'aj. Xwiri xya' ti chke chi kki'an k'ax che taq i es, che taq i che', xaq ni'pa i rax chi o chwach i jyub' ta'aj. Xwi chke i winaq chi ni'pa nti retalil re i Dios chwach kikrusil kki'an k'ax chke.

Te'uri i ujo' ángel xuch'awsaj u-trompeta. Are uri xwil jun ch'umil tzaqnaq li chwach i jyub' ta'aj. I ch'umil le xya' jun lawe che, chi are i jaqb'al re i jul chi lik naj qajnaq b'i chupam ulew.

Xwiri xya' ti chke we kekikamsaj. Xwi xya' chke chi jo'ob' ik' uwach kkiya ni uk'axk'ol chke. I uk'axk'ol le, keje pacha re jun sinaj are kuch'opij jun winaq.

I sak', o jun kaj-atzil; chi are i ángel re i nim laj jul chi naj qajnaq pa jyub'. I ub'i i ángel le pkich'ab'al i aj Hebreo: Abadón; i pkich'ab'al i aj Grecia: Apolión.