Popular Bible Verses from Apocalipsis 7

Share

Te'uri xintaqej tan chik, xaq xewil uk'iyal winaq, jalajuj taq tzob'ajil, tinimit lik je k'i chi lik k-an ti chik tikilem chkajlaxik; je tak'al chkiwach i keb': Are i Jun chi kul pa kub'ib'al chi o u'ij, xa chwach i Ral Chij. Ike saq i ki'u', is kuk'am uxaq palma pki'ab'.

Ike xesik'in chub'ixkil i tziji: “¡I totajik, olik kumal i keb' chi are i qa-Dios chi kul pukub'ib'al chi o u'ij, xaq i Cristo, chi Ral Chij kb'ix che!”

Keje ile k-an ni chke, man ire chi Ral Chij kb'ix che chi xaq o chuxol i kub'ib'al re i Dios chi o u'ij, ire keuchajij na pacha je uchij; keuk'am b'i chuchi' taq i ralaxb'al ya, xaq kkitu' ni ya chi kuya kik'aslemal. Ni'pa uwa'al kiwach i Dios kusu ni chke.

Rumali je o chwach i ukub'ib'al i Dios chi o u'ij, xaq kki'an kipatan chrij chipa'ij chicha'ab' pa ja re riqb'al ib' ru' i Dios; Ire, chi kul pa chom laj ukub'ib'al chi o u'ij, keuchajij na. Ike kkitij ti chik numik xaq i k'atik; xaq kkitij ti chik uyej rumal i ij xaq kek'atsax ti chik rumal ucho'ab'.

Xub'ij chke: “Mi'an tan k'ax che uwach i jyub' ta'aj, xaq che i mar, xaq mi'an chke i che'. Mi'an tan ile, k'a kqakoj ni retalil chwach kikrusil ni'pa i je rajchak i qa-Dios.” Xub'ij chke. Xaq xinta ni'pa kik'iyal chi kok ni retalil chke: Je wajxaqlajujchiy (144,000) tzob'aj ke aj Israel.