Popular Bible Verses from Apocalipsis 13

Share

I utayik ub'e iri, lik no'oj kraj. Pachin kuta ub'e, krajlaj uri i tz'ib' re ub'i i nim laj itzel chikop le; are i ke'eloq xa are ub'i jun winaq; i rajlab'al ke'eloq are i waqib' oxlajujwinaq jumo' (666).

Konojel i winaq chwach i jyub' ta'aj kkikoj ni u'ij i nim laj itzel chikop le, i winaq le are i tz'ib'tal ti kib'i chupam i wuj re i k'aslemal chuxeb'al li ij saq, chi o pu'ab' i Ral Chij chi xkamsaxik.

Xaq xwi ta la ile, xaq xutaq u'anik chi koksax retal che ki'ab' wiqab'im i winaq, o xaq chwach kikrusil. Keje xu'an ile chke konojel; chke nimaq i chke ch'utiq, xaq chke i b'eyomab' i chke nib'a'ib', xaq chke i winaq chi je o pa k'ax pu'ab' i kajaw, is xukoj retal chke. We jun nti retal che, kya' ti che klo'onik xaq kk'ayinik. I retal le, are ub'i i nim laj itzel chikop, xaq are i rajlab'al i tz'ib' re ub'i.

“Pachin i rajwaxik ke'e prexil, lik kek'am nu b'i uri prexil. Xaq pachin i rajwaxik kekam ru' ch'ich', lik ru' ch'ich' uri kekamik.” Rumali, ni'pa i je re i Dios, chki'ana nim che kik'ux chwach i k'ax, xaq mkisach ukub'ib'al kik'ux che i Ajwal.

Xin-e tak'al chuchi' i mar, xwil jun nim laj itzel chikop xel li pa mar. I nim laj itzel chikop le, wuqub' ujolom, i lajuj rok'a', xaq o jujun koron chkijujunal ujolom. Che i wuqub' ujolom is o taq b'iyaj tz'ib'tal chwach qajsab'al re u'ij i Dios.

Xaq xya' che chi ku'an ni ch'oj chkij ni'pa i je re i Dios, keje ile lik k'a ktiki ni chke. Xaq xya' che chi ku'an ni atb'al tzij pkiwi konojel i winaq, ronojel ulew, ronojel kijayil xaq ronojel taq ch'ab'al.

Rumal i nimaq taq k'utb'al re chi ku'an chwach i nab'e i nim laj itzel chikop, xeut'or ni winaq chwach i jyub' ta'aj xaq xub'ij chke chi kki'an jun uk'exwach i nim laj itzel chikop le chi xkam taj tupu lik soktajnaq te'eq ru' ch'ich'. I nim laj chikop chi o rok'a' pacha chij, ire xya' che chi kuya uk'aslemal i uk'exwach i nab'e itzel chikop chi antalik. Man keje ile kch'awik, xaq kutaq kikamsaxik ni'pa i kkikoj ti u'ij.

I nim laj itzel chikop le chi xwilo, kmajaw jun nim laj b'alam. I raqan, nimaq, pacha raqan jun yum; i uchi', pacha uchi' jun koj. I nim laj itzel kumatz, x-e chuya'ik ucho'ab' che. Are ucho'ab' xaq u'atb'al tzij ire xuya pu'ab', xaq lik xuya che chi kkub'i che ukub'ib'al chi o u'ij.

Xaq yatal che i nim laj itzel chikop le chi lik nim ni kub'ij; xu'an nim che u'ij, xaq o uk'iyal taq tzij xub'ij qajsab'al re u'ij i Dios. O ni atb'al tzij pu'ab', oxib' junab' ru' nik'aj.

I nim laj itzel chikop chi xel li pa mar le, alaj chi lik soktal chke ujolom, lik pacha laj kkam rumal, xwiri alaj chi xkunaxik, rumali xkam ti rumal. Te'uri konojel i winaq chwach i jyub' ta'aj xe'ok il che, xaq xkitikb'a terejik chrij i nim laj itzel chikop le.

Te'uri xwil chik jun nim laj itzel chikop, xel li pulew. O keb' rok'a' pacha ktzun rok'a' jun ral chij; xwiri i uch'awb'al pacha uch'awb'al jun nim laj itzel kumatz. Nim i atb'al tzij o pu'ab' chi yatal che rumal i nab'e nim laj itzel chikop chi xel li pa mar, lik ku'at tzij pkiwi i winaq are o chwach ire le. Lik xu'an pen che ronojel uwach i jyub' ta'aj xaq ni'pa je o chwach chi kkikoj ni u'ij i jun nab'e itzel chikop chi xel li pa mar. Are ile chi soktal ujolom, xwiri xutzir che i sokonik re i kamik.