Popular Bible Verses from Lamentaciones 1

Share

¡Lik tz'inilik xkanaj kan i nim laj tinimit, chi ujer lik nojnaq te'eq uwach che i winaq! ¡I tinimit chi mas o te'eq u'ij wo'or xkanajik pacha jun malkan! ¡Xaq lik o chuqul u'anik i k'ax laj taq chak kumal jub'an chik tinimit chi ujer xrajawin te'eq ire pkiwi!

Are cha'ab' i Jerusalén chi pacha jun ixoq, kji' rumal uwa'al uwach man lik ksiqsat rumal o'ej; xaq uwa'al uwach le lik klememik kqaj chupalaj. Chkixol konojel ni'pa taq i kkib'ij chi k'ax taq kkina'o, lik nti jun chke kyu'uw uxikin. Konojel i ramiy lik xa xki'an keb' kipalaj che kib' chrij; lik xa xe'on ajch'oj chrij.

¡Chawila pe i k'ax chi in o wi, Ajwal! ¡Kinna yin lik kraqkrij uwach ink'ux! I uk'axk'ol lik ku'utitej i wanima are kinch'ob'o chi in qelqel laj winaq te'eq. Jela chisaq i ch'ich' chi k'ulala o uware keukamsaj i wak'al, xaq waral pa ja lik je o i kekamsaxik.