Popular Bible Verses from Jerem%EDas 7

Share

Xwiri yin are xewesaj li iwatit imam pa Egipto, lik nti xinb'ij chke, mitene xeintaq chusujuxik umuyal uk'ok'al xaq mitene i porom sipon. Xwi xeintaq che chi kekojon chwe, man keje ile yin in ki-Dios, xaq ike je intinimit. Xaq xinb'ij chke chki'ana utz che kik'aslemal pacha xeintaq che, man keje ile is utz na ke'el ru' wach i kki'ano.

Xwiri xekojon taj xaq xkikoj ti retalil chwe, are i xki'ano xkiya kib' che i kib'uyil chu'anik i utz ti laj taq urayijb'al kik'ux. Puk'exel ketzalij chal wu', xa xinkixutuj kanoq.

Wetene ki'an mas utz che ik'aslemal xaq che i wach i ki'ano xaq lik ki'an utz che iwib' ku' i jub'an chik; xaq we keikamsaj ti aj naj pa taq chak, ak'alab' chi nti kiqajaw kichuch xaq i malkanib', xaq keikamsaj ti i winaq chi nti kimak che k'ijib'al le, xaq mitene kikoj ki'ij i jub'an chik dios, chi xa are ronojel ku'an i k'ax chiwe yix, yin kinya uri chiwe chi k'a kixk'iji waral, che ulew chi xinya chke iwatit imam ronojel ij saq.

chi re i Ajwal chi ronojel ktiki che, re i Dios ke aj Israel: Chi'ana mas utz che ik'aslemal, xaq wach i ki'ano, man yin kinya uri chiwe chi k'a kixjeqi chwach ulew le.