Popular Bible Verses from Jerem%EDas 23

Share

¿Pachin taq wa ktiki chruwaxik rib' chinwach yin? Man yin lik in o chwach i kaj xaq chwach i ulew. Yin in Ajwal, xinb'iw ile.

I Ajwal kub'ij: “Kuriqa ni jun ij chi kin-an ni che ma David, lik are ni jun umuq uxikin ire, krajawin ni ru' no'oj i u'anik i suk'ulik xaq i utz pa nim laj tinimit. Che taq i ij are krajawinik, i tinimit Judá lik ktotaj na, xaq i je aj Israel lik utz ni kik'aslemal. Are ub'i iri kkb'ij ni che: I Ajwal are qach'akanik.”

I Ajwal kub'ij: “¡To' kiwach i ajyu'ul chij chi kkiya chke inchij chi kesachik xaq kekicher b'ik!”

Xaq lik yin na keink'am chal inchij pa taq tinimit ipa xeinkichersaj wi b'ik, kinmol ni kichi' xaq keink'am chali pa ketzuq wi, man keje ile k'i ni kak'al kealaxik. Kinkoj ni ajyu'ul ke chi kechajiwik, man keje ile lik nti o kkixij kib' che, xaq kramtaj ti jun chke ike. Yin in Ajwal, xinb'iw ile.”

I Ajwal chi ronojel ktiki che, kub'ij: “Ix aj Israel, mikoj retalil che wach kkib'ij i profeta Ni'pa i kkib'ij le lik qatzij taj, b'iroxik chi xa je are ike kinojim, chi nti inb'im yin chke.