Popular Bible Verses from Santiago 2

Share

Keje k-on ukub'ib'al qak'ux ile che i Ajwal, moqxa kqab'ij chi lik olik, xwiri we nti jun utz kqa'an chke i winaq, nti uchak uri; man k-aljin taj we oj re i Ajwal.

I kub'ib'al k'uxij ke'el uri pacha k-on jun ch'akulaj. We nti ranima lik, kamnaq uri. Xaq keje ile k-on ukub'ib'al qak'ux; we kqa'an ti utz laj anik, xa kamnaq uri ukub'ib'al qak'ux.

Wachalal chwach i Cristo, nti uchak we kqab'ij chi o ukub'ib'al qak'ux che i Dios we kqa'aljinsaj ti ru' wach taq i kqa'ano; we keje ukub'ib'al qak'ux ile, nti k-on re uri chqe; man ile lik kojuto taj.

Yet kab'ij xaq lik kakojo chi xa jun i Dios olik; qatzij lik utz i kach'ob'o le, xwiri, xaq i itzel taq tew kkikoj ile, xaq kesiksat rumal kixib'rikil.

Moqxa o jun kub'ij: “Yet o ukub'ib'al ak'ux che i Dios, yin o i utz laj anik in-anom chke i winaq. Wo'or kwaj rilik ukub'ib'al ak'ux che i Dios, xwiri nti utz a'anom chkiwach i winaq; te'uri yin kink'ut ni ukub'ib'al ink'ux che i Dios ru' i utz laj taq anik chi in-anom chke i winaq.”

Man i Dios lik kril ti tob'al kiwach i winaq we kilom ti tob'al kiwach i kachi'il. Xwiri, we yoj qilom tob'al kiwach i winaq, i Dios kril uri tob'al qawach yoj are ku'an i atb'al tzij pqawi.

Chi, kiwil wi chi jun winaq, utz kel chwach i Dios, xwi ti rumal ukub'ib'al uk'ux, xaq lik rumal i utz chi ku'ano.

Chawila chi: I mam Abraham xuk'utu chi o ukub'ib'al uk'ux chrij wach ni'pa i xu'ano. Rumal ile lik xutz'aqatsaj ukub'ib'al uk'ux.