Popular Bible Verses from Ezequiel 33

Share

Xwiri Yin in Ajwal, kinsaqij pub'i ink'aslemal chi kwaj ti ukamik i utz ti laj winaq, xwiri are i kwaj Yin chujalwachij uk'aslemal i chk'asi na. Yet, Israel, chakanaj kan i utz ti laj ak'aslemal. ¿Wach uchak katkam na?

Rumali yet, winaq, Yin at inya'om pa chajinel re i tinimit Israel. Yet rajwaxik kak'am intzij xaq katzijoj i kasaqij chke ike.

Xwiri, we yet, kab'ij usuk' che i utz ti laj winaq le, chi kujalwachij uk'aslemal, ire we k-on taj, ire kkam ni rumal umak, xwiri yet kato ni ak'aslemal.

Xwiri i ajchajinel we xrilo chi xeupon i achiyab' chi je yij che i ch'oj i kuxut'ij ti i trompeta re kkiyijb'a kib' i winaq, i ajch'oj keuponik i kkikamsaj jun chke ike, ire kkam ni rumal umak, xwiri Yin kintz'onoj ni che i ajchajinel le wach ukamik i kamnaq le.

man xuta uch'awb'al i trompeta xwiri xkojon ti che; lik are ire uri ajmak che ukamik, man wetene xkojon che kuto te ri uk'aslemal.