Popular Bible Verses from Efesios 5

Share

Yix ix rak'al chik i Dios chi lik k'ax kixuna'o; rumali chib'isoj u'anik che iwib' pacha Ire. Ronojel i ki'ano, chi'ana rumal i k'axnab'al ik'ux, pacha xu'an i Cristo, k'ax xojuna'o; rumali xuya rib' che i kamik pqak'exel yoj. I Dios utz xrilo pacha jun sipon lik muy chwach Ire.

Rumali, lik chikojo retalil wach i ki'ano. Mi'an ile chi pacha kita ti ub'e wach kraj ik'aslemal; chi'ana i utz pacha kmajawik, lik chikojo ino'oj. Mi'an ile chi to' ix olik, lik chi'ana i utz tz'aqat ktijin rik'awik i ij, man i mak atzalal lik olik, xwiri yix chiya ik'ux chu'anik i utz.

Miya iwib' che ab'arik, man ile xa kixusacho, xaq kupetsaj uyej piwi; are, chiya iwib' che Lo'laj Utewal i Dios. Are kixch'a'at chiwach, chikuxtaj i b'ix kojb'al u'ij i Dios, b'ix chi tz'ib'tal kanoq chi Salmos kb'ix che, xaq ni'pa i b'ix re i b'ixanb'al, lik chib'ixaj u'ij i Ajwal pik'ux. Ronojel ni'pa i kiriqo arewi, chitioxij che i Qaqajaw Dios, xaq chikuxtaj pub'i i Qajwal Jesucristo.

Mi'an che iwib' chi nti inojb'al; are chib'isoj utayik ub'e wach kraj i Ajwal chiwe.

Xaq i achiyab', k'ax chekina i kixoqil, xaqjun pacha xu'an i Cristo, lik k'ax xeuna i jutzob'aj re i Dios; rumali xuya rib' chi xkamsaxik tob'al ke i je re Ire.

Yix ujer, ix o te pa equmal, xwiri wo'or ix o chik pa saq rumal i Ajwal. Rumali, chi'ana i k'aslemal pacha i kmajaw chke i je re i saq.

Chikojo iwib' chiwach, kojb'al re u'ij i Cristo.

Ix ixoqib', chiya iwib' pki'ab' i iwachijil pacha uya'ik iwib' che i Ajwal.

Xwiri, ile xaq are ilb'al re chqe, chi jun achi o uchak lik k'ax chuna i rixoqil; pacha k'axnab'al rib' ire ku'ano. Xaq i ixoq, rajwaxik chi kkojon che rachijil.

Rumali, i achi are kk'uli'ik, keuya kan i uqajaw uchuch man kkuk'aj kib' ru' i rixoqil, i chekeb' keu'on pacha xa jun winaq

Mi'an yix pacha kki'an i je re i equmal, ni'pa taq i kki'ano lik nti pich' uchak. Are i chi'ana yix, chiwesaj chisaq chke wach i utz taj ketijin chu'anik.