Popular Bible Verses from Efesios 2

Share

Are i Dios oj anawnaq; xa oj jun chik rumal i Cristo rumali chi xoju'ano man kraj Ire chi kqa'an i utz. Xu'an pacha ax uch'ob'om wi loq.

Lik rumal i rutzil uk'ux i Dios ix totajnaq are xikoj Ire. Rumal ti taq wach i'anom xixto'ik, ile lik siptal chiwe rumal i Dios. Rumal ti jun utz kqa'ano, we kojtotajik, ile are jun sipon chi yatal chqe; rumali chi utz taj we o taq jun ku'an taq nim che rib' rumal i utz u'anom.

Xwiri i Dios lik xril tob'al qawach, lik k'ax xojuna'o, rumali, xuya qak'aslemal junam ru' i Cristo, tupu oj kamnaq te'eq chwach i Dios rumal i qamak. Kiwil uri chi xa rumal i rutzil uk'ux i Dios ix totajnaq.

Xaq xwi ta la ile, xaq xojuwalijsaj che i kamik junam ru' i Cristo, xaq xojukub'a junam ru' chila chikaj.

Rumali, yix ix aj naj ti chik, ix re chik i tinimit chatal rumal i Dios; ix ralk'uwal chik i Dios, iwatz icha' chik iwib' ku' konojel i je re Ire. Yix junam qu' yoj, qonojel oj pacha jub'an xan re jun ja chi ktijin uyakik rumal i Dios. Ire ktijin chqakojik puwi i kub'ib'al ja chi kikojom kan i profeta xaq i apostolab'. I ab'aj le re i ja chi mas nim uchak, are i Jesucristo.