Popular Bible Verses from Deuteronomio 28

Share

We lik saq laj tzij katkojon che Awajwal Dios xaq ka'an ronojel ni'pa kub'ij utzij upixab' chi kinb'ij chawe wo'or, are uri i Ajwal katuya ni pkiwi konojel i tinimit re uwach i jyub' ta'aj.

Xwi ta la ile, ronojel ni'pa i utzil chomal re i Ajwal kpe ni pawi man at kojonnaq che utzij i Dios.

I Ajwal katuya ni chunab'eyal, pa k'isb'al re taj; lik arewi at o pkiwi i jub'an chik winaq, lik chkixe' taj, xwiri we ka'ano xaq we katkojon che utzij upixab' Awajwal Dios chi xinya chawe wo'or.

Xaq kujaq ni nim laj ub'eyomal chawe chi are i kaj, man keje ile lik kpe ni jab' puwi awulew chi lik rajwaxik, xaq ku'an ni che atikon chi lik ku'an utz uwach. Kaya ni cha'im chke i jub'an chik tinimit, xwiri yet lik nti jun katchi'man ru'.

I Ajwal keujach ni pa'ab' i ajch'oj chawij are kkaj u'anik k'ax chawe. Lik ketusus na are ke'e chawij, xwiri lik to' kichkich chik ki'anom are ke'anmaj ni pa'ab' yet.

I Ajwal kuya ni utzil chomal puwi k'olb'al awixim xaq puwi ronojel wach i ka'ano, saq laj tzij kuya ni utzil chomal puwi i ulew chi kuya Ire chawe yet.

Xaq kya' ni utzil chomal pawi yet che ronojel ni'pa i ka'ano.

Lik kya' ni utzil chomal pawi pa tinimit xaq pa taq es

xaq kya' ni utzil chomal pkiwi awak'al xaq puwi ronojel atikon; xaq pkiwi konojel i kak'al achikop, achij xaq pkiwi konojel ni'pa i jalajuj taq achikop

We ka'ano chrij pacha kub'ij utzij upixab' xaq we lik katb'in chupam ub'e, Awajwal Dios kumayij ti ub'ixkil uri chi lik at utinimit chi at jachtal pu'ab', chrij pacha ub'im chawe.

xaq lik kya' ni utzil chomal puwi ronojel achikach xaq puwi i k'ijib'al ipa kyot' wi i or re i wa re trigo

I Ajwal lik kuk'ut ni nim laj rutzil uk'ux chawe yet man kuya ni k'i awak'al, kuya k'i kak'al achikop xaq k'iyal taq atikon chwach ulew, chi xub'ij chke awatit amam, chi kuya ni chawe.

Are uri konojel i tinimit re uwach i jyub' ta'aj kkil na chi yet at utinimit i Dios, man yet kasik'ij ni pub'i xaq lik kkixij ni kib' chawe.

Lik msach chak'ux ronojel ni'pa i xinb'ij chawe, moq kat-e taq chukojik ki'ij i jub'an chik dios.

Xwiri we katkojon ti che Awajwal Dios xaq ka'an taj pacha kub'ij utzij upixab' xaq i u'atb'al tzij chi xinb'ij chawe wo'or, kpe uri ronojel i k'oqb'ali pawi