Popular Bible Verses from Daniel 9

Share

Xinlapan ru' i Ajwal in-Dios, i xinjach inmak che: Ajwal, nim laj Dios chi xaq Ronojel Kattiki Che, chi lik arewi ka'ano pacha ab'im xaq kaya k'utb'al re i k'axnab'al ak'ux chke i k'ax katkina'o xaq kki'ano wach kub'ij i atzij apixab'

Chojata, in-Dios lik chata; chawila ru' utayik ub'e uyej chi o pqawi xaq re i tinimit ipa koksax wi u'ij ab'i. Kqa'an ti tz'onb'enik chawe we kqab'ij chi we suk'ul taq qak'aslemal, lik are rumal i nim laj tob'al awach yet chqe. ¡Qajwal, Qajwal! ¡Chojata, chakuyu qamak! ¡Chojatatb'ej, Ajwal chatpet chqato'ik! ¡Chawe yet, in-Dios, xaq rumal i nim laj atinimit, awinaq, chi kkikoj u'ij ab'i, lik matb'aytajik!

I xin-an inlapanik xaq ni'pa i kwaj utz'onoxik che i Ajwal Dios, xinmayij inwa'im, xinkoj in-u' chi lik as xaq xinkub'i pa chaj.

Xwiri chawe yet, Qa-Dios, lik awe yet i tob'al qawach xaq i kuyb'al qamak. Man yoj lik xatqaqelo

Che chik jun seman puwi ile, ire ku'an jun trat ku' uk'iyal winaq, xwiri pa nik'aj che i seman kusach ni kiwach i sipon porom xaq i jub'an chik sipon. Xaq usujuxik jun ch'am ti laj sipon che i k'ijib'al chi ipa ksujux wi i sipon re kojb'al u'ij i Dios, i sachb'al chi ch'ikom rij, k'a ktzaq ni puwi i xjeqaw u'anik i ch'am taji.