Popular Bible Verses from 2 Pedro 3

Share

O i kkich'ob'o chi i Ajwal lik b'aytajnaq chu'ankil wach ub'im ujer; xwiri ire lik b'aytajnaq taj. K'amaja kusach uwach i jyub' ta'aj, xa rumal unimal uk'ux chqe, man kraj ire chi mijun ksachsax ni uwach. Kraj ire chi konojel i winaq kkijach ni kib' pu'ab' ire tz'aqat k'a o i ij.

Wachalal chwach i Cristo chi kixwaj, chk'un chik'ux iri: I Ajwal, jun ij chwach ire, keje pacha jun lajujwinaq kamo' (1,000) junab'; xaq i lajujwinaq kamo' (1,000) chwach ire, keje pacha jun ij.

Chi'ana pen kiwetamaj mas unojb'al i Qajwal Jesucristo chi Tol qe; chiya che ire ku'an ni uchak pik'ux. Choksax u'ij, xwi ti wo'or, xaq ronojel ij saq. Lik keje ile ch-antaj na.

Are kuriq i ij re i Ajwal, xaqte'et kk'unik, pacha uk'unb'al jun ili'om cha'ab'. Xwiri, che i ij le, i kaj ksach uwach ru' jun nim laj ch'awb'al chi lik xib'in ib'. I ij, i ik', i ch'umil kek'atik xaq kesachik; xaq i jyub' ta'aj kk'atik ru' ronojel ni'pa i o chwach.

Yix ya iweta'am chik chi ronojel ile ksachik, lik o uchak uri ch'am chix-oloq, chom ik'aslemal; lik chiya ik'ux che i Dios. Keje ile chi'ana, tz'aqat kiwoy-ej uk'unik u'ij i Dios. Chitija i ij chu'ankil chi we' kk'unik. Qatzij, chupam i ij le i kaj kk'atik xaq ksachik. I ij, i ik', i ch'umil xaq kumaj a', lik kejarik.