Popular Bible Verses from 1 Pedro 5

Share

Wach taq i kixk'achir rumal, is chiya pu'ab' i Dios, man Ire utz ichajixik ku'ano.

Waral chwach i jyub' ta'aj, xa attal ij kitij ni k'ax; we xixel pa k'ax le, i Dios lik kixuto; ku'an utz chiwe, kujikb'a ik'ux, lik kuya ni icho'ab', xaq lik ko kixutak'b'a ni chupam ikojonik. Ire, lik nim i rutzil uk'ux chqe, oj usik'im ru' man kqatij i utz ru' chila chikaj, junam ru' i Jesucristo.

Chixk'ask'atoq, chichajij iwib', man i Itzel chi ajch'oj chiwij, ktijin chitzukuxik. Ire kmalkatik pacha jun koj, ko'ik kutzukuj pachin kutijo. Chich'ija; chijikb'a ukub'ib'al ik'ux che i Jesucristo. Are kpe i k'ax piwi, chk'un chik'ux chi i k'ax le lik kkitij konojel iwachalal chwach i Cristo chi je o chwach i jyub' ta'aj.

Chiya uri che i Dios kuqajsaj ni i'ij; mi'an nim che iwib', man k-on panoq i Dios kunimarsaj ni i'ij.

Xaq keje yix chi ix alab'om, chixkojon che kitzij i nimaq taq winaq. Iwonojel yix chikojo iwib' chiwach; mi'an nim che iwib', man i wuj re i Dios keje iri kub'ij: “I Dios keu'atij i kki'an nim che kib', xwiri ni'pa i kki'an ti nim che kib', i Dios keuto rumal i rutzil uk'ux chke.”