Popular Bible Verses from 1 Juan 2

Share

Wachalal, miya ik'ux che uwach i jyub' ta'aj, xaq k'ax mina taq ronojel i o chwach. Jun we k'ax kuna uwach i jyub' ta'aj, nti k'axnab'al uk'ux uri che i Ta chikaj. Man ronojel i kusujuj uwach i jyub' ta'aj, ru' ti Ta petnaq wi. Ile lik xa re uwach i jyub' ta'aj, i utz ti laj taq rayijb'al re i qach'akul; i rayijb'al re taq i qus kqilo; xaq u'anik nim che qib' xa rumal i b'eyomal.

Xwiri uwach i jyub' ta'aj xa kk'isik. Xaq kk'is ni'pa taq o chwach chi xa kqarayij waral. Xwiri i winaq chi kki'an pacha kraj i Dios, i kik'aslemal nti uk'isik.

Pachin jun kub'ij chi o ru' i Dios, rajwaxik chi uk'aslemal keje pacha xu'on uk'aslemal i Jesucristo.

Yix chi ix ral taq wak'al, kintz'ib'aj iri chiwe man keje ile kixmakun taj. Xwiri, we o jun xmakunik, o jun utz laj ajkojol qatzij chwach i Ta chikaj. Are i Jesucristo chi lik utz, xaq lik nti umak.

We o jun kub'ij: “Yin weta'am uwach i Dios”; xwiri we ku'an taj pacha kub'ij utzij upixab', xa kt'oronik, xaq nti saq laj tzij uri puk'ux.

We kojkojon che utzij upixab' i Dios, lik qatzij uri chi oj tikinaq chretamaxik uwach Ire.

We o jun kub'ij chi o pa saq, xwiri we ktitat upam che i rachalal chwach i Cristo, k'a o uri pa equmal.

¿Pachin i ajt'oronel? Are i winaq chi kub'ij chi Jesús are ti i Cristo; ire le xa ajch'oj chrij i Cristo, ile xa kuqajsaj u'ij i Cristo chi Uk'ojol i Dios, xaq kuqajsaj u'ij i Ta chikaj.

I jun chi kruwaj uwach Uk'ojol i Dios, kukoj ti uri u'ij i Ta chikaj; xwiri, pachin i kukoj u'ij Uk'ojol le, xaq kukoj uri u'ij i Ta chikaj.