Popular Bible Verses from रोमियून 4

Share

और नै अविश्वासी होभेरन परमेश्वरा का वादा में शक करछ्य, लेकिन विश्वास में मजबूत हो भेरन परमेश्वर की महिमा करछ्य। और यो बात में ले भरोसा करछ्य की जो वादा परमेश्वरे ले कर रैछ ऊस पुरो करून में उ सामर्थी छै।

जसो पवित्रशास्त्र कुंछो कि “मैंले तैंस भौत जातिन को पूर्वज ठैहरा रैछ, उले उ परमेश्वर में विश्वास करछय।” और जो मरीनाक लोगून ज्यून करछो, और जो बात छन ले नै, उनोरो नाम इसकैं लीछो, की माना उन छन।

यीशु मसीह हमार पापून खिन मारी ग्यान, और परमेश्वरे ले दुबारा मरिन में भटे ऊस ज्यून कर दीछ ताकि हम धर्मी ठैहराई जाँ।

अब्राहम निराशा में ले आश राखभेरन विश्वास करछ्य, येक कारण कि उ वचना का अनुसार कि “तेरो बंश इसो होलो,” कि भौत जातिन को बाब हो।

येक कारण लोगून ले विश्वासा का द्वारा परमेश्वरो को वादा हासिल करछ्य। इसो येक कारण हुछो ताकि वादा अनुग्रह ले हासिल हो। तब अब्राहम की सब संतानून को उ वादा पुरो हो सकछो। यो केवल उनून खिन नाहातिन जो मूसा का नियम-कानून का अधीन रूनान, बल्कि हरेक उ आदिमी खिन छै जो अब्राहमाक नियाती विश्वास में जीछो, जो हम सबून को पुरखा छन।

धन्य उन छन, जिनारा बुर काम परमेश्वरे ले माफ कर्यान, और जिनारा पाप उले माफ कर दीयान। धन्य छन उन आदिमी जिनोरो पापून को हिसाब परमेश्वर नी लीन।

पवित्रशास्त्र कि कुंछो? यो कि “परमेश्वर ले जो क्योछ अब्राहम ले उमें विश्वास करछ्य, और उ परमेश्वरा का नजरून में धर्मी गिनी ग्यो।”