Popular Bible Verses from कुलुस्सियून 2

Share

येक कारण, जैस तुम ले मसीह यीशु स प्रभु करभेरन ग्रहण कर हालछ्य, उसीकैं उमें बनिना का रौ। जसकैं एक रूख जमीन में जड़ पकड़छो और एक घर नींव में मजबूत रूछो उसीकैं तुम अपून विश्वास में मजबूत हुनै जा, और लगातार उमें बढ़नै जा, जसो तुमून सिखा रैछ और ज्याद है ज्यादा धन्यवाद करनै रौ।

ध्यान राँखा कि कोई तुम लोगून उन बेकार शिक्षान ले मूर्ख नै बनौ। यो बेकार शिक्षा सुणून में त ज्ञान की लागनान, क्याखिनकि यो शिक्षा संसारा लोगून का तरफ भटे छै, पर मसीह का तरफ भटे नाहातिन।

और उले तुमून ले, जो अपून अपराधून, और खतना का नियाती तुमार बुरा स्वभाव काटि नै ग्योछ, परमेश्वर ले हमार सब पापून माफ करभेरन मसीह का दगाड़ ज्यून करछ्य। यो इसो छ्यो जसो परमेश्वर ले हमार पापून को चिट्ठा मिटा दीछ, जेमें हमार खिलाफ अपराध लिखी ग्यान। जब मसीह सूली पर चढ़ाई ग्योछ तब उले ऊस दस्तावेज स पुरी तरीका ले हटा दीछ।

येक कारण इन लोगून भटे ध्वाका जन खा, क्याखिनकि जब मसीह आदिमी बनछ्य तब ले उ पूर्ण रूप ले परमेश्वर छ्यो। मसीह हरेक शक्ति और अधिकार में हकुमत राँखछो। येक कारण अगर तुम मसीह भटे जुड़ीना का छा, त तुम पुर मसीह में छा।

ध्यान राँख्या कि कोई तुमोरो खान-पिन या पर्व या नय्या चाँद, या सबता का दिनून का बारिमें तुम कोई फैसला जन करा। क्याखिनकि उन सब नियम-कानून सिर्फ एक छाया की नियाती छै। लेकिन हकीक्त में सब कुछ मसीह छै