Popular Bible Verses from aEfeso 6

Share

Ntakhara wi owana wahu hannawanano nikhami ni mwíli, nyenya ni otokwene, ni olamulelo, ni yawo analamulela molipiha a elapo ya vathi a epiphi yela, ni aminepa a yonanara mu sawirimu.

mwa nivekelo nothene ni mathamalelo muvekele mahiku othene mwa Munepa, nave munashishanyu vavo oshisha woshisha ni wavekelela awéla murima othene

Nkawarani mavaka othene a Muluku, wi murwe‐muwerye withipela vokhocha maphyakelo a musaserya.

Mwa ela mwikusherye mavaka othene a Muluku, wi murwe‐muwerye wemela moványasha nihiku nonanara n’naphiyaya, nave, mwéreno sothe sene, munarwa‐mwithipela.

vopwaha sothe sene mwikushenryetho nrapala na nroromelo, nenlo munirianyu muwerye oshipihano michupa yothene yovarela moro ya mulipa‐onanara owo. Mukushetho echipwatcha ya ovulusha, ni nlema na Munepa, ti masu a Muluku

Ntakhara awe mwithipeleni, mwitchukelenle mu’yununi mwanyu ni eparipari, muwanretho ya va nakhopeni ya ekhaikhai; nave muwarihale manani anyu ni maryeheryelo a Mitchaka Yaphama ya murechele

Vokutchula vaya, nkamwilipihéni mwa Apwiya, ni wupa wa ikuru sawe.

Chichimiha atithiá ni amaiá (ti nlamulo nopacherya nokhalano nlakano), wi okhale phama ni weyo, ni wi olekele winchipale velaponi.

Anamwane nyu, mwanawiweleláni yawo yoyanreni mwa Apwiya, vawi ela tiyaphama.