Popular Bible Verses from aEfeso 5

Share

Ntakhara awe khalani ótakiherya a Muluku, ntoko anamwane ósiveliwa; nave echani musivela ntokotho Kristu ósivenliyeni nyuwo, íleva mekhiye mu nipuroni mwa hiyo, yoveléla ni ephepa wa Muluku, ekhale muhiriri wawunkhela phama.

Vawihihá, varyeryani phama wecha wanyu, tahi ntoko óhikhala miruku, nyenya ntoko amiruku; ókhala mvai, ntakhara mahiku ari ónanara.

Nave muhihapaliweno vinyo, mummo muri yoriméliha; nyenya musareyeno Munepa, ni wilochela mekhinyu ni masalmo, ni mathamalelo, ni matchipo amunepa, wipa ni wipela mu atchakare Apwiya m’murimani mwanyu; ni omuthamala Muluku Atithi mahiku othene, ntakhara a sothe sene, mu nsina na Apwiyahu Yesu Kristu

Ntakhara awe muhikhale ólosowa, nyenya suwelashani wi okhwela wa Apwiya ti sheni.

Alopwana nyu, mwásiveláni árinyu, ntoko Kristu ásivenliye muloko, ívelela mekhiye mu nipuroni mwaya

vawi khalai mwári epiphi, nyenya hihano muri omwaleya mwa Apwiya; echani ntoko anamwane a omwaleya

ni wiwelelana mukina ni mukhwawe mómova Kristu.

Athiana nyu, mwawiweleláni asíyanyu a nyuwo anene, ntoko muniwelelanyu Apwiya.

Nyenyatho nyuwo, mmoha va mekhiye, amusiveleke mwáriye, ntoko onísiveleliye mekhiye; nave muthiana owo upuweleke wi amoveke mulopwana.

Ntakhara a ela mutchu amwalaneno atithinnya ni amannya, nave aphitane ni mwáriye; nave opíli awo enarwa‐ekhala mwíli mmoha.

nave muhátáneno miteko yepiphi yohíma etchu, nyenya tchiriene mwíványe