Popular Bible Verses from Looma 6

Share

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Mu tondihili moyiina yi lipfu, baadiihi bisu kaka na nde. We bu Kristo hasuuhi mu babaakwa mu muyusu a Taata, ni bumosi kaka, bisu luubaha monyi wu munyatihi mu nde.

A liyeholo linyutu la benu mu masumu we bilwanili bi uvanga mamabi ve. Ka yeholwaani nyutu a benu mwakulu huli Nzambi, we baatu ba monyi ba bamiimata hutso lipfu. Na yeholwaani linyutu la benu loosi mu isalu hya Nzambi, we ilwanili hi uvanga mambu ma butsitsa.

Ni mu buuna, liyabaani ti, imuutu hya bisu a benu hya tsikulu baakomini hyo ŋa muti itwadi na Kristo. Mana itwadi hya bisu na masumu hitabuha, na libwevelebaani baviha ba masumu.

Ni bumosi kaka mu benu, yabaani ti, benu lili baatu babaakwa mu masumu. Na ti, benu lili kaka monyi mu Nzambi itwadi na Yisu Kristo.

Buuna hima luleelaani? Bisu a benu likwilalaani mu usa masumu, mana hyese hya Nzambi hisinzafulala iteesi? Naana ubila ve! Bisu ti laamiikwa mu masumu, ka buni lutwala ubweba monyi mu masumu?

Benu liyaabi lo bubwe: tso benu lisalili muutu na usiingala nde we baviha, benu lika baviha ba pfumu wu benu lili mu usiingala. Tso hwaba lisumu li libaabita hu lipfu, buve lisiingala li libaabita hu monyi wu butsitsa.

Ka lifutalaani matondo huli Nzambi! Benu ba laabeedi hu tsikulu baviha ba masumu, bunuubu benu limiisiingala mu mutima woosi Mikele mya ndongisili yi benu laayaki. Na bunuubu, bu benu limiiyoboho mu masumu, benu ka baviha ba mavanga ma butsitsa.