Popular Bible Verses from Looma 5

Share

Ka mono buni Nzambi hamwesi bunene bu litondo la nde mu bisu: ŋa bisu laaba kini banga masumu, Kristo akwidi mu toni a bisu.

Hiitu a hibaapfuta ve mu toni ati, Nzambi ayitili litondo la nde mutso mitima mya bisu, mu likumbasa li Livupu la Ngidi li nde haviidi bisu.

Ŋa yulu a ŋaana, bisu lili mu kinya mutso minyongi, bu liyaabi ti minyongi mibaabuta mukonono, mukonono ubaabuta kwadisili mutso malobese, na kwadisili yibaabuta hiitu.

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo. Mu toni imiinu hya bisu mu nde, bisu lili na muswa mu ubaha hyese hi bisu luukwilala ba baavangama mu hyo. Na bisu lili na kinya, bu bisu lili na hiitu mu ukabasana muyusu a Nzambi.

Ni mu buuna, bu bisu laaba kini mifudi ve, Kristo akwidi mu toni a bisu banga masumu, mu tangu yi Nzambi hakese.

Tso ni mbuli bisu laaka ba baakuha mu makila ma Kristo, ni ti nde ufuuhasa bisu kaka mu kesi a Nzambi.

We mu kene a muutu mumosi, baatu babalahi baasumihi. Ni bumosi kaka, mu lisiingala la muutu mumosi, baatu babalahi baaka bunyanga ŋa busu bwa Nzambi.

Titswene, bisu lili na kinya ŋa busu bwa Nzambi, mu toni a Pfumu a bisu Yisu Kristo, wu miinongese bisu loloyi na Nzambi.