Popular Bible Verses from Filiipo 2

Share

A lisa pasi dyambu na matsimi ma nyeme ve, buve mu nzala umonehele. Ka hutso a kulimini, mwesaani ti bana baakulala benu. Pasi muutu mu benu, a hasaha ndulu kaluha a nde mwakulu ve, ka abaasaha kaka kaluha a bana.

Dyataani ŋa hati la benu, na matsimi ma baatu ba baakangama mu Yisu Kristo

Nde wu aba ifwani hya Nzambi, a havatiini mu uba itsitsa hya Nzambi ve. Ka nde mwakulu abisi moosi mu uba muviha. Nde wu baabuti muutu ŋa hati la baatu, na baatu baamoni mu nde ifwani hya muutu. Nde akulimini we ikenyi, na nde asiingili Nzambi te hu lipfu. Eye! Tso lipfu la ŋa muti.

Ka ni Nzambi li mu uva benu matwala ma ukana na uvangimasa mambu, we bu hu li litondo la nde.

Ni mu buuna, Nzambi hasyenuli nde ŋa mbuha ya hati a yulu, na havidi nde nduhi yi yili ŋa yulu manduhi makima. Mana mu muyusu a nduhi a Yisu, bya monyi byosi, bya hu yulu, bya ŋa toto na bi bili hu tsi a babaakwa, bitsokomo. Na boosi bayaabisa ti: «Yisu Kristo ni Pfumu, mu muyusu a Nzambi Taata.»

Saani moosi, hwavele miŋono na usobosono hu minywa. Mana benu liba baana ba Nzambi ba baatsyeme na ba baavele masyembo, ŋa hati la baatu ba tsi moyiniyi. Baatu ba bubaavanga mamabi na ba baatengeme matsimi. Benu lafwana ubaamwedeme we liyalala li libaayalusa tsi

Ni mu buuna, bambahi ba me ba litondo, benu laakasiingala ndongisili a me, ŋa me ambedi ŋa hati la benu. Ka bunuubu, singalaani yo bu hwafulala, tso me peli ŋa hati la benu. Mu mavanga ma benu, mu boomo na likamba, mwesaani ti benu laamiiyoboho.